న్యూజిలాండ్ సీనియర్ బ్యాట్స్మెన్ రాస్ టేలర్ టెస్టు కెరీర్ మంగళవారంతో ముగిసింది. బంగ్లాదేశ్తో క్రైస్ట్చర్చ్ వేదికగా జరిగిన రెండో టెస్టులో ఆల్రౌండర్ ప్రదర్శన కనబర్చిన న్యూజిలాండ్ టీమ్ ఇన్నింగ్స్ 117 పరుగుల తేడాతో విజయాన్ని అందుకుంది. కేవలం మూడు రోజుల్లోనే ఈ టెస్టు మ్యాచ్ ముగియగా.. రెండు టెస్టుల సిరీస్ 1-1తో ముగిసింది. గత వారం జరిగిన తొలి టెస్టులో బంగ్లాదేశ్ 8 వికెట్ల తేడాతో గెలుపొందిన విషయం తెలిసిందే. బంగ్లాదేశ్తో రెండు టెస్టుల సిరీస్ ఆరంభానికి ముందే.. టెస్టు కెరీర్ పరంగా ఇదే తనకి చివరి సిరీస్ అని రాస్ టేలర్ గత ఏడాది డిసెంబరులోనే ప్రకటించేశాడు. దాంతో.. ఈరోజు మ్యాచ్ ముగుస్తున్న దశలో రాస్ టేలర్ చాలా ఎమోషనల్గా కనిపించాడు. అది గమనించిన న్యూజిలాండ్ కెప్టెన్ టామ్ లాథమ్.. రాస్ టేలర్ చేతికి బౌలింగ్ కోసం బంతినివ్వగా.. కేవలం మూడు బంతులే బౌలింగ్ చేసిన టేలర్ బంగ్లాదేశ్ చివరి వికెట్ పడగొట్టాడు. బ్యాట్స్మెన్గా కివీస్ తరఫున రికార్డుల మోత మోగించిన రాస్ టేలర్.. టెస్టు కెరీర్ని ఇలా బౌలర్ తరహాలో వికెట్తో ముగించడం గమనార్హం. టెస్టు కెరీర్లో రాస్ టేలర్కి ఇది మూడో వికెట్ మాత్రమే.
మ్యాచ్లో ఫస్ట్ బ్యాటింగ్ చేసిన న్యూజిలాండ్ టీమ్.. 521/6తో తొలి ఇన్నింగ్స్ని డిక్లేర్ చేసింది. కెప్టెన్ టామ్ లాథమ్ (252: 373 బంతుల్లో 34x4, 2x6) డబుల్ సెంచరీ నమోదు చేయగా.. దేవాన్ కాన్వె (109: 166 బంతుల్లో 12x4, 1x6) శతకం సాధించాడు. కానీ.. రాస్ టేలర్ (28: 39 బంతుల్లో 4x4) తక్కువ స్కోరుకే ఔటైపోయాడు. అనంతరం ఫస్ట్ ఇన్నింగ్స్ ఆడిన బంగ్లాదేశ్ 126 పరుగులకే ఆలౌటవడంతో.. న్యూజిలాండ్ కెప్టెన్ టామ్ లాథమ్.. పసికూన జట్టుని ఫాలో ఆన్ ఆడించాడు. కానీ.. రెండో ఇన్నింగ్స్లోనూ బంగ్లాదేశ్ జట్టు 278 పరుగులకి కుప్పకూలిపోయింది. రాస్ టేలర్ వేసిన మ్యాచ్ చివరి ఓవర్లో ఎబాదత్ హుస్సేన్ (4: 6 బంతుల్లో 1x4) భారీ షాట్ ఆడబోయి టామ్ లాథమ్కి క్యాచ్ ఇచ్చేశాడు.
మ్యాచ్లో ఫస్ట్ బ్యాటింగ్ చేసిన న్యూజిలాండ్ టీమ్.. 521/6తో తొలి ఇన్నింగ్స్ని డిక్లేర్ చేసింది. కెప్టెన్ టామ్ లాథమ్ (252: 373 బంతుల్లో 34x4, 2x6) డబుల్ సెంచరీ నమోదు చేయగా.. దేవాన్ కాన్వె (109: 166 బంతుల్లో 12x4, 1x6) శతకం సాధించాడు. కానీ.. రాస్ టేలర్ (28: 39 బంతుల్లో 4x4) తక్కువ స్కోరుకే ఔటైపోయాడు. అనంతరం ఫస్ట్ ఇన్నింగ్స్ ఆడిన బంగ్లాదేశ్ 126 పరుగులకే ఆలౌటవడంతో.. న్యూజిలాండ్ కెప్టెన్ టామ్ లాథమ్.. పసికూన జట్టుని ఫాలో ఆన్ ఆడించాడు. కానీ.. రెండో ఇన్నింగ్స్లోనూ బంగ్లాదేశ్ జట్టు 278 పరుగులకి కుప్పకూలిపోయింది. రాస్ టేలర్ వేసిన మ్యాచ్ చివరి ఓవర్లో ఎబాదత్ హుస్సేన్ (4: 6 బంతుల్లో 1x4) భారీ షాట్ ఆడబోయి టామ్ లాథమ్కి క్యాచ్ ఇచ్చేశాడు.