భారత యువ క్రికెటర్ ఉన్ముక్త్ చంద్ అనూహ్యంగా శుక్రవారం రిటైర్మెంట్ ప్రకటించేశాడు. భారత అండర్-19 జట్టుకి కెప్టెన్గా ఉన్న ఉన్ముక్త్ చంద్.. 2012 అండర్-19 వరల్డ్కప్లో యువ భారత్ని విజేతగా నిలిపి ఒక్కసారిగా వార్తల్లో నిలిచాడు. కానీ.. ఆ తర్వాత పేలవ ప్రదర్శనతో నిరాశపరిచిన ఉన్ముక్త్ చంద్ దేశవాళీ క్రికెట్కే పరిమితమై.. తాజాగా భారత క్రికెట్ నుంచి వైదొలుగుతున్నట్లు ప్రకటించి అందర్నీ ఆశ్చర్యపరిచాడు. అతని వయసు 28 ఏళ్లే. 2012 అండర్-19 వరల్డ్కప్ తర్వాత భారత-ఎ జట్టులోకి ఎంట్రీ ఇచ్చిన ఉన్ముక్త్ చంద్.. రెగ్యులర్ ఆటగాడిగా మారిపోయి.. కెప్టెన్గా కూడా టీమ్ని నడిపించాడు. అలానే ఢిల్లీ తరఫున దేశవాళీ క్రికెట్లోనూ దాదాపు ఎనిమిది సీజన్లు ఆడిన ఉన్ముక్త్ చంద్.. ఆ టీమ్కి కెప్టెన్గా కూడా పనిచేశాడు. కానీ.. 2017 విజయ్ హజారే ట్రోఫీ ముంగిట అతనిపై వేటు పడగా.. ఆ తర్వాత 2019లో అతను ఉత్తరాఖండ్ టీమ్కి మారాడు. కానీ.. మళ్లీ మనసు మార్చుకుని ఢిల్లీ టీమ్కి వచ్చేశాడు. అయితే.. 2020-21 సీజన్లో మాత్రం అతనికి ఢిల్లీ తుది జట్టులో చోటు దక్కలేదు. అలానే 2011 నుంచి ఐపీఎల్లో ఆడుతున్న ఉన్ముక్త్ చంద్.. ఢిల్లీ క్యాపిటల్స్, రాజస్థాన్ రాయల్స్, ముంబయి ఇండియన్స్ టీమ్కి ప్రాతినిథ్యం వహించాడు. ఈ క్రమంలో 21 మ్యాచ్లాడి 300 పరుగులు చేశాడు.
భారత క్రికెట్కి గుడ్ బై చెప్పిన ఉన్ముక్త్ చంద్.. విదేశీ ప్రైవేట్ లీగ్లు ఆడబోతున్నట్లు తెలుస్తోంది. ఒకవేళ ప్రైవేట్ టీ20 లీగ్స్లో ఆడితే.. అప్పుడు ఐపీఎల్లోనూ అతను ఆడేందుకు భారత క్రికెట్ నియంత్రణ మండలి (బీసీసీఐ) అనుమతించదు. టీమిండియాకి రెండు సార్లు ఎంపికయ్యేలా కనిపించిన ఉన్ముక్త్ చంద్కి లక్ కలిసిరాలేదు. 2013 ఐసీసీ ఛాంపియన్స్ ట్రోఫీ, 2014 టీ20 వరల్డ్కప్కి ఎంపిక చేసిన 30 మంది ప్రాబబుల్స్లో ఉన్ముక్త్ చంద్కి చోటు దక్కింది. కానీ.. భారత్ తుది జట్టులో మాత్రం ఛాన్స్ దక్కలేదు. దాంతో.. 28 ఏళ్ల ఈ ఢిల్లీ క్రికెటర్ కెరీర్ ఇంటర్నేషనల్ మ్యాచ్ ఆడకుండానే ముగిసింది.
భారత క్రికెట్కి గుడ్ బై చెప్పిన ఉన్ముక్త్ చంద్.. విదేశీ ప్రైవేట్ లీగ్లు ఆడబోతున్నట్లు తెలుస్తోంది. ఒకవేళ ప్రైవేట్ టీ20 లీగ్స్లో ఆడితే.. అప్పుడు ఐపీఎల్లోనూ అతను ఆడేందుకు భారత క్రికెట్ నియంత్రణ మండలి (బీసీసీఐ) అనుమతించదు. టీమిండియాకి రెండు సార్లు ఎంపికయ్యేలా కనిపించిన ఉన్ముక్త్ చంద్కి లక్ కలిసిరాలేదు. 2013 ఐసీసీ ఛాంపియన్స్ ట్రోఫీ, 2014 టీ20 వరల్డ్కప్కి ఎంపిక చేసిన 30 మంది ప్రాబబుల్స్లో ఉన్ముక్త్ చంద్కి చోటు దక్కింది. కానీ.. భారత్ తుది జట్టులో మాత్రం ఛాన్స్ దక్కలేదు. దాంతో.. 28 ఏళ్ల ఈ ఢిల్లీ క్రికెటర్ కెరీర్ ఇంటర్నేషనల్ మ్యాచ్ ఆడకుండానే ముగిసింది.