రోజు మూడు మైళ్ల నడక..
(getty images)
లాహోర్‌కు చెందిన బాబర్ ఆజమ్‌కు క్రికెట్ అంటే ఎంతగానో పిచ్చి. 2007లో పాకిస్థాన్-సౌతాఫ్రికా జట్ల మధ్య జరిగిన రెండో టెస్టు మ్యాచ్‌లో బంతిని అందించడం కోసం బాల్ బాయ్ కావాలని తెలుసుకున్న బాబర్.. ఈ అవకాశం చేజార్చుకోవద్దని అనుకున్నాడు. ఈక్రమంలో స్టేడియం నుంచి తన ఇళ్లు 3 మైళ్లు (దాదాపు 5 కిమీ) దూరమైనప్పటికీ రోజు నడుచుకుంటూనే మ్యాచ్‌కు హాజరై, బాల్‌బాయ్‌గా వ్యవహరించాడు. క్రికెట్ మ్యాచ్‌ను ప్రత్యక్ష్య్ంగా చూసి ఎంతో స్ఫూర్తి పొందానని తెలిపాడు.
అరుదైన అవకాశం చేజారొద్దని..
(getty images)
గడాఫీ స్టేడియంలో మ్యాచ్ నిన్ననే జరిగినట్లు అనిపిస్తోందని బాబర్ తెలిపాడు. ఈ మ్యాచ్‌లో పలువురు స్టార్ క్రికెటర్లు ఆడారు. పాక్ నుంచి ఇంజామామ్ ఉల్ హక్, యూనిస్ ఖాన్, మహ్మద్ యూసుఫ్, మిస్బావుల్ హక్ తదితరులు పాల్గొన్నారు. సౌతాఫ్రికా నుంచి గ్రేమ్ స్మిత్, హషీమ్ ఆమ్లా, జాక్వస్ కలిస్, డేల్ స్టెయిన్ తదితరులు ఆడారు. ఈక్రమంలో ఈ మ్యాచ్‌ను చూడటానికి వచ్చిన సువర్ణ అవకాశాన్ని చేజార్చుకోవద్దని అప్పుడు భావించినట్లు, అందుకే అంత కష్టపడినట్లు తెలిపాడు.
టెస్టు విలువ అప్పుడే తెలిసింది..
(getty images)
టెస్టు క్రికెట్‌ను చాలా దగ్గర నుంచి చూసే అవకాశం దక్కిందని, అంతమంది గొప్ప ప్లేయర్లను చూసే అవకాశం కలిగిందని బాబర్ గుర్తు చేసుకున్నాడు. ఏ యువ ప్లేయర్‌కైనా అలాంటి అద్భుత క్షణాలకంటే మించింది ఏముంటుందని బాబర్ తెలిపాడు. మరోవైపు గత సెప్టెంబర్‌లో జట్టు కెప్టెన్‌గా బాధ్యతలు చేపట్టిన బాబర్ నాయకత్వంలోని పాక్.. బంగ్లాదేశ్‌తో సొంతగడ్డపై త్వరలోనే టీ20 సిరీస్ ఆడనుంది. 25 ఏళ్ల బాబర్ తన కెరీర్‌లో ఇప్పటివరకు 25 టెస్టులు, 74 వన్డేలు, 36 టీ20లు ఆడాడు. టెస్టు్ల్లో నాలుగు సెంచరీలు, వన్డేల్లో 11 సెంచరీలు బాదాడు.