PSL 2023 ఫైనల్లో పాకిస్థాన్‌కి చెందిన ఒక బౌలర్ ఒకే ఓవర్‌లో 11 బంతులు విసరగా.. ఫాస్ట్ బౌలర్ బ్యాటింగ్‌కి వెళ్లి చివర్లో ఏకంగా 5 సిక్సర్లు బాదేశాడు. దాంతో లాహోర్ టీమ్ నిర్ణీత 20 ఓవర్లలో 200 పరుగులు చేయగలిగింది.
Authored byరాజేంద్ర గాలేటి | Samayam Telugu18 Mar 2023, 10:21 pm
Pakistan Super League 2023 : పాకిస్థాన్ ఫాస్ట్ బౌలర్ ఒకే ఓవర్‌లో 11 బంతులు విసరడం అందర్నీ ఆశ్చర్యపరిచింది. పాక్ గడ్డపై జరుగుతున్న పాకిస్థాన్ సూపర్ లీగ్ -2023 ఫైనల్ మ్యాచ్ శనివారం జరిగింది. ఈ మ్యాచ్‌లో ముల్తాన్ సుల్తాన్స్ పేసర్ ఇసానుల్లా 3 ఓవర్లు వేసి 37 పరుగులు ఇవ్వగా.. ఇందులో 5 వైడ్స్ ఉన్నాయి. ఈ 5 వైడ్స్ కూడా ఒకే ఓవర్‌లో వేయడం గమనార్హం.
Samayam Teluguషాహిన్ షా అఫ్రిది
ఈ మ్యాచ్‌లోనే మరో ఆసక్తికరమైన ఘటన కూడా చోటు చేసుకుంది. లాస్ట్‌లో బ్యాటింగ్‌కి వచ్చిన లాహోర్ ఖలందర్స్ ఫాస్ట్ బౌలర్ షాహిన్ షా అఫ్రిది కేవలం 15 బంతుల్లోనే 2x4, 5x6 సాయంతో అజేయంగా 44 పరుగులు చేశాడు. పేసరైన షాహిన్ షా స్లాగ్ ఓవర్లలో వరుస సిక్సర్లు కొట్టడంతో లాహోర్ టీమ్ చివరి 5 ఓవర్లలోనే 85 పరుగులు రాబట్టింది.
మ్యాచ్‌లో టాస్ గెలిచిన లాహోర్ టీమ్ నిర్ణీత 20 ఓవర్లలో 6 వికెట్ల నష్టానికి 200 పరుగులు చేసింది. ఆ జట్టులో షఫీక్ (65: 40 బంతుల్లో 8x4, 2x6) హాఫ్ సెంచరీ నమోదు చేయగా.. ఓపెనర్లు మీర్జా (30), ఫకార్ జమాన్ (39: 34 బంతుల్లో 4x4, 1x6) ఫర్వాలేదనిపించారు. ఆఖర్లో షాహిన్ షా అఫ్రిది దూకుడుగా ఆడటం లాహోర్ టీమ్‌కి కలిసొచ్చింది. ఇన్నింగ్స్ 17వ ఓవర్ వేసిన ఇసానుల్లా రెండు సిక్సర్లు, ఒక ఫోర్ సమర్పించుకోవడంతో పాటు ఐదు వైడ్స్ వేశాడు. దాంతో ఓవరాల్‌గా ఆ ఓవర్‌లో 24 పరుగులు వచ్చాయి. ఈ ఓవర్‌లోనే షాహిన్ షా అఫ్రిది రెండు సిక్సర్లు, ఒక ఫోర్ కొట్టడం విశేషం. అలానే ఇన్నింగ్స్ ఆఖరి ఓవర్ చివరి బంతిని కూడా అఫ్రిది సిక్స్‌గా మలిచాడు.
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
