పాక్ బౌలర్.. కామెడీ ఫిట్‌నెస్

క్రికెట్ ప్రపంచంలో అనిశ్చితికి మారుపేరైనా పాకిస్థాన్.. తాజాగా మరోసారి ఆ జట్టు బౌలర్‌ ఫిటెనెస్ కామెడీతో వార్తల్లో నిలిచింది. దుబాయ్ వేదికగా ప్రస్తుతం శ్రీలంకతో సుదీర్ఘ సిరీస్‌ను పాకిస్థాన్ ఆడుతుంది. ఇందులో టెస్టు మ్యాచ్ సందర్భంగా పాక్ బౌలర్ వాహబ్ రియాజ్ బంతిని విసిరేందుకు రనప్‌ చేసుకుంటూ వచ్చి.. బంతిని విసరలేక ఐదు సార్లు మళ్లీ వెనక్కి వెళ్లాడు.

సాధారణంగా ఫాస్ట్ బౌలర్ వేగంగా రనప్ చేసుకుంటూ వచ్చి బంతిని విసురుతుంటాడు. కొన్ని సందర్భాల్లో అడుగు తడబడటం లేదా లెంగ్త్ సరిపోకపోవడం వంటి కారణాలతో బంతిని విసరలేక మళ్లీ వెనక్కి వెళ్తాడు. కానీ.. అలా ఒకసారి కాదు.. రెండు సార్లు కాదు.. ఏకంగా ఐదు సార్లు మళ్లీ మళ్లీ వెనక్కి వెళ్లాడు వాహబ్ రియాజ్. దీంతో వికెట్ కీపింగ్ చేస్తున్న కెప్టెన్ సర్ఫరాజ్ అహ్మద్‌తో పాటు.. జట్టు కోచ్ మిక్కీ ఆర్థర్ సైతం తీవ్ర అసహనం వ్యక్తం చేశారు. కోచ్ అయితే.. ఏకంగా తాను కూర్చున్న సీట్లోంచి లేచి కోపంతో వెళ్లిపోయాడు. ఎట్టకేలకి రియాజ్ ఆ ఓవర్‌ని పూర్తి చేసి అంతా ఊపిరి పీల్చుకునేలా చేశాడు. ప్రస్తుతం ఈ వీడియో వైరల్‌గా మారింది.

Wahab Riaz misses his run-up " FIVE TIMES " in a row Mickey Arthur's Reaction 😂😂😂😂#PakvSL #PakvsSL pic.twitter.com/8252dD2F7k — Ahsan. 🇵🇰 (@iPakistaniLAD) October 7, 2017