PAK vs HK Asia Cup 2022: పాకిస్థాన్తో షార్జా వేదికగా శుక్రవారం జరుగుతున్న ఆసియా కప్ 2022 మ్యాచ్లో టాస్ గెలిచిన హాంకాంగ్ టీమ్ కెప్టెన్ నిజాఖత్ ఖాన్ ఫీల్డింగ్ ఎంచుకున్నాడు. ఈ మ్యాచ్లో గెలిచిన జట్టు ఆసియా కప్ 2022 సూపర్-4కి చేరుకోనుండగా.. ఓడిన టీమ్ ఇంటిబాట పట్టనుంది. గత ఆదివారం భారత్ చేతిలో 5 వికెట్ల తేడాతో పాకిస్థాన్ ఓడిపోగా.. ఆ తర్వాత బుధవారం హాంకాంగ్ కూడా టీమిండియా చేతిలో 40 పరుగుల తేడాతో పరాజయాన్ని చవిచూసింది. ఆసియా కప్లో ఇప్పటి వరకూ పాకిస్థాన్, హాంకాంగ్ జట్లు మూడు సార్లు తలపడగా.. మూడింట్లోనూ పాకిస్థాన్ జట్టే విజయం సాధించింది. కానీ.. గత బుధవారం 193 పరుగుల లక్ష్యఛేదనలో భారత్ జట్టుకి హాంకాంగ్ గట్టి పోటీనిచ్చింది. ఆ జట్టులో కూడా పవర్ హిట్టర్లు ఉన్నారు. మరోవైపు పాకిస్థాన్ జట్టు గత ఆదివారం భారత్పై ఫస్ట్ బ్యాటింగ్ చేసి 147 పరుగులకే ఆలౌటైంది. ఆ జట్టు కోల్పోయిన 10 వికెట్లు భారత ఫాస్ట్ బౌలర్లకే సమర్పించుకోవడం గమనార్హం.
Pakistan పై నాకౌట్ మ్యచ్లో టాస్ గెలిచిన హాంకాంగ్
Asia Cup 2022 సూపర్-4కి అర్హత సాధించాలంటే ఈ మ్యాచ్లో పాకిస్థాన్ గెలవడం తప్పనిసరి. ఒకవేళ హాంకాంగ్ చేతిలో ఈ మ్యాచ్లో పాకిస్థాన్ ఓడిపోతే ఇంటిబాట పట్టాల్సిందే. ఇప్పటికే భారత్ సూపర్-4కి చేరిన విషయం తెలిసిందే.
ప్రధానాంశాలు:
- షార్జా వేదికగా పాకిస్థాన్, హాంకాంగ్ మధ్య మ్యాచ్
- భారత్ చేతిలో ఇటీవల ఓడిన ఈ రెండు జట్లు
- ఈరోజు మ్యాచ్లో గెలిచే టీమ్ సూపర్-4కి అర్హత
- ఓడిన జట్టు ఇంటికి వెళ్లాల్సిందే