యాప్నగరం

రెండో టీ20లోనూ పాక్ బ్యాట్స్‌మెన్ దూకుడు

లాహోర్ వేదికగా వరల్డ్ ఎలెవన్ జట్టుతో జరుగుతున్న రెండో టీ20 మ్యాచ్‌లోనూ పాకిస్థాన్ బ్యాట్స్‌మెన్ చెలరేగారు

TNN 13 Sep 2017, 9:50 pm
లాహోర్ వేదికగా వరల్డ్ ఎలెవన్ జట్టుతో జరుగుతున్న రెండో టీ20 మ్యాచ్‌లోనూ పాకిస్థాన్ బ్యాట్స్‌మెన్ చెలరేగారు. ఓపెనర్ అహ్మద్ షెహజాద్ (43: 34 బంతుల్లో 5x4), బాబర్ అజామ్ (45: 38 బంతుల్లో 5x4), షోయబ్ మాలిక్ (39: 23 బంతుల్లో 1x4, 3x6) దూకుడుగా ఆడటంతో తొలుత బ్యాటింగ్ చేసిన పాకిస్థాన్ 20 ఓవర్లలో 6 వికెట్ల నష్టానికి 174 పరుగులు చేసింది. వరల్డ్ ఎలెవన్ జట్టు బౌలర్లలో శ్యామూల్ బద్రి, తిసార పెరీరా చెరో రెండు వికెట్లు తీయగా.. బెన్ కటింగ్, తాహిర్ తలో వికెట్ తీశారు.
Samayam Telugu pakistan vs world xi target 175
రెండో టీ20లోనూ పాక్ బ్యాట్స్‌మెన్ దూకుడు


ఓపెనర్ ఫకార్ జమాన్ (21) వరుసగా రెండో మ్యాచ్‌లో విఫలమవగా.. షెజాద్‌తో కలిసి రెండో వికెట్‌కి మరోసారి బాబర్ అజామ్ కీలక ఇన్నింగ్స్ ఆడాడు. దీంతో ఒకానొక దశలో పాకిస్థాన్ 12.1 ఓవర్లు ముగిసే సమయానికే 100/1తో మెరుగైన స్కోరుకు బాటలు వేసుకుంది. అయితే.. మధ్య ఓవర్లలో వరల్డ్ ఎలెవన్ జట్టు బౌలర్లు పుంజుకున్నా.. షోయబ్ మాలిక్ మెరుపు ఇన్నింగ్స్ ఆడేసి వారి లయని దెబ్బతీశాడు. చివర్లో ఇమాద్ వసీమ్ (15), కెప్టెన్ సర్ఫరాజ్ అహ్మద్ (0) ఆశించిన మేర రాణించలేకపోయారు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.