కొత్త రూల్.. మ్యాచ్ ఫలితమే ఛేంజ్

బ్యాట్ సైజు తగ్గించాలనే ఐసీసీ కొత్త రూల్ క్రికెట్‌లో చాలా మార్పులు తీసుకురానుందని భారత మాజీ కెప్టెన్ రాహుల్ ద్రవిడ్ అభిప్రాయపడ్డాడు. ఐసీసీ కొత్త నిబంధనల ప్రకారం బ్యాట్.. అంచు 40 మిల్లీ మీటర్లకి మించకూడదు.. మిగిలిన చోట్ల మందం 67 మిల్లీ మీటర్లకి మించకూడదు. ఈ రూల్ ద్వారా.. బ్యాట్, బంతి మధ్య సమతూకం ఉంటుందని ఐసీసీ భావించింది. క్రికెట్‌లోకి వచ్చిన కొత్త రూల్స్‌‌లో ఏది ఎక్కువ ప్రభావం చూపబోతుందని రాహుల్ ద్రవిడ్‌ని ప్రశ్నించగా.. అతను సమాధానమిచ్చాడు.

‘బ్యాట్‌ సైజ్‌లో మార్పులు ఆటపై ఎక్కువ ప్రభావం చూపనుంది. ఈ మార్పు కారణంగా మ్యాచ్ ఫలితాలే మారిపోయే అవకాశం ఉంది. ఐసీసీ కొత్త నిబంధన తీసుకురాకమునుపే చాలా మంది క్రికెటర్లు తమ బ్యాట్ సైజులో మార్పులు చేసుకున్నారు. కానీ.. కొద్దిమంది మాత్రం అలానే ఉండిపోయారు. వారు కూడా ఇప్పుడు మార్పులు చేసుకున్నారు. కొత్త రూల్ చాలా మంచి నిర్ణయం’ అని రాహుల్ ద్రవిడ్ వివరించారు. భారత మాజీ కెప్టెన్ మహేంద్రసింగ్ ధోని, ఆస్ట్రేలియా విధ్వంసక ఓపెనర్ డేవిడ్ వార్నర్ తమ బ్యాట్‌ సైజ్‌‌లో ఇటీవల మార్పులు చేసుకున్నారు.