ఇదేం బాదుడు సర్ఫరాజ్..? 169 నాటౌట్

భారత యువ క్రికెటర్ సర్ఫరాజ్ ఖాన్.. దేశవాళీ క్రికెట్ రంజీ ట్రోఫీలో పరుగుల వరద పారిస్తున్నాడు. ఇటీవల ట్రిఫుల్, డబుల్ సెంచరీలు బాదిన ఈ యువ హిట్టర్.. తాజాగా మధ్యప్రదేశ్‌తో జరిగిన మ్యాచ్‌లో తొలిరోజు 169 పరుగులతో అజేయంగా క్రీజులో నిలిచాడు. దీంతో బుధవారం ఆట ముగిసే సమయానికి ముంబయి టీమ్ 352/4తో తిరుగులేని స్థితిలో నిలిచింది.

Read More: ఐపీఎల్‌ 2020కి పవర్ హిట్టర్ దూరం..?

వాంఖడే స్టేడియం వేదికగా ఈరోజు ఆరంభమైన మ్యాచ్‌లో తొలుత బ్యాటింగ్ చేసిన ముంబయి టీమ్ 72/3తో కష్టాల్లో నిలిచిన దశలో బ్యాటింగ్‌కి వెళ్లిన సర్ఫరాజ్ ఖాన్ (169 బ్యాటింగ్: 204 బంతుల్లో 22x4, 3x6) బౌండరీల మోత మోగించాడు. ఈ క్రమంలో కేవలం 137 బంతుల్లోనే సెంచరీ మార్క్‌ని అందుకున్న సర్ఫరాజ్ ఆ తర్వాత కూడా మధ్యప్రదేశ్ బౌలర్లని ఊపిరి పీల్చుకునే గ్యాప్ ఇవ్వలేదు. దీంతో.. ముంబయి టీమ్‌ తొలిరోజే మెరుగైన స్కోరుని అందుకోగలిగింది.

Read More: IPL 2020కి RCB పేరు, లోగో మార్పు..?

రంజీ ట్రోఫీలో ఇప్పటికే 900 పరుగుల మార్క్‌ని అందుకున్న సర్ఫరాజ్.. సరికొత్త రికార్డుల దిశగా దూసుకెళ్తున్నాడు. ఎంతలా అంటే..? ఆడిన ఆరు మ్యాచ్‌ల్లో కలిపి 914 పరుగులు చేసిన ఈ యువ హిట్టర్.. 228.50 సగటుతో అందర్నీ ఆశ్చర్యపరుస్తున్నాడు. వాస్తవానికి సర్ఫరాజ్ ఆడిన తొలి రెండు మ్యాచ్‌ల్లో చేసిన పరుగులు 71, 31 మాత్రమే. కానీ.. ఉత్తర్‌ప్రదేశ్‌తో ట్రిఫుల్ సెంచరీ నుంచి టోర్నీలో అతని హవా మొదలైంది.

Read More: IND vs PAK క్రికెట్ మ్యాచ్‌లు కష్టమే: చౌహాన్