Ravi Shastri Lauds Fitness Levels Of India’s Former Skippers Ms Dhoni And Kapil Dev
కపిల్దేవ్లా ధోనీ.. కెరీర్లో ఒక్కసారి కూడా అలా కూర్చోలేదు: రవిశాస్త్రి
భారత దిగ్గజ క్రికెటర్ కపిల్దేవ్ తరహాలో మహేంద్రసింగ్ ధోనీ కూడా ఫిట్నెస్ని కెరీర్ సాంతం కాపాడుకోగలిగాడని టీమిండియా హెడ్ కోచ్ రవిశాస్త్రి కితాబిచ్చాడు. ధోనీ రీఎంట్రీ, రిటైర్మెంట్పై వస్తున్న వార్తల గురించి తాజా ఓ ఇంటర్వ్యూలో మాట్లాడిన రవిశాస్త్రి.. అభిమానులకి ఓ క్లారిటీ ఇచ్చే ప్రయత్నం చేశాడు. 1983లో కెప్టెన్గా భారత్కి కపిల్దేవ్ తొలి ప్రపంచకప్ అందించగా.. 2007లో టీ20 ప్రపంచకప్, 2011లో వన్డే ప్రపంచకప్లను ధోనీ కెప్టెన్సీలో టీమిండియా గెలుపొందిన విషయం తెలిసిందే.
Samayam Telugu10 Jan 2020, 12:22 pm
భారత దిగ్గజ క్రికెటర్ కపిల్దేవ్ తరహాలో మహేంద్రసింగ్ ధోనీ కూడా ఫిట్నెస్ని కెరీర్ సాంతం కాపాడుకోగలిగాడని టీమిండియా హెడ్ కోచ్ రవిశాస్త్రి కితాబిచ్చాడు. ధోనీ రీఎంట్రీ, రిటైర్మెంట్పై వస్తున్న వార్తల గురించి తాజా ఓ ఇంటర్వ్యూలో మాట్లాడిన రవిశాస్త్రి.. అభిమానులకి ఓ క్లారిటీ ఇచ్చే ప్రయత్నం చేశాడు. 1983లో కెప్టెన్గా భారత్కి కపిల్దేవ్ తొలి ప్రపంచకప్ అందించగా.. 2007లో టీ20 ప్రపంచకప్, 2011లో వన్డే ప్రపంచకప్లను ధోనీ కెప్టెన్సీలో టీమిండియా గెలుపొందిన విషయం తెలిసిందే.
MS Dhoni, Kapil Dev
ఐపీఎల్ తర్వాతే ధోనీ ప్యూచర్పై పూర్తి క్లారిటీ
2019, జులై నుంచి టీమిండియాకి దూరంగా ఉంటున్న ధోనీ త్వరలోనే వన్డేలకి రిటైర్మెంట్ ప్రకటించబోతున్నట్లు వెల్లడించిన రవిశాస్త్రి.. టీ20ల్లో మాత్రం మరికొంతకాలం కొనసాగుతాడని స్పష్టం చేశాడు. దీంతో.. ఈ ఏడాది అక్టోబరులో జరగనున్న టీ20 వరల్డ్కప్ రేసులో ధోనీ ఉన్నట్లు దాదాపు తేలిపోయింది. అయితే.. ఐపీఎల్ 2020 సీజన్లో ధోనీ ప్రదర్శన ఆధారంగానే టీమ్లోకి రీఎంట్రీ లభిస్తుందని కూడా రవిశాస్త్రి స్పష్టం చేశాడు.
కపిల్దేవ్ ఫిట్నెస్ అమోఘం
38 ఏళ్ల వయసులోనూ ధోనీ క్రికెట్ ఆడుతుండటంపై రవిశాస్త్రి ఆ ఇంటర్వ్యూలో మాట్లాడుతూ ‘అప్పట్లో కపిల్దేవ్ బాగా ఫిట్నెస్ మెయింటెన్ చేసేవాడు. ఎంతలా అంటే..? 16 ఏళ్ల సుదీర్ఘ కెరీర్లో అతను కంటిన్యూగా మ్యాచ్లు ఆడినప్పటికీ.. కనీసం ఒక్కసారి కూడా ఫిట్నెస్ సమస్యని ఎదుర్కోలేదు. ఒకవేళ అతను కేవలం వన్డేలు మాత్రమే ఆడినట్లయితే మరో రెండేళ్లపాటు కచ్చితంగా క్రికెట్ ఆడేవాడు. ధోనీ కూడా కపిల్దేవ్ తరహాలోనే ఫిట్నెస్ని కాపాడుకుంటూ వస్తున్నాడు’ అని వెల్లడించాడు.
ధోనీ కూడా కపిల్ తరహాలోనే
మ్యాచ్ ఆడే సమయంలో ఆటగాళ్లు ఎవరైనా గాయపడితే..? వెంటనే డ్రెస్సింగ్ రూముకెళ్లి కూర్చుంటారు. అతని స్థానంలో సబ్స్టిట్యూట్ ఆటగాడు మైదానంలోకి వస్తాడు. కపిల్దేవ్, ధోనీ మ్యాచ్ ఆడే సమయాల్లో గాయపడి ఒక్కసారి కూడా మైదానం వెలుపల కూర్చోలేదు. 2004 నుంచి అంతర్జాతీయ క్రికెట్లో ధోనీ ఆడుతున్న విషయం తెలిసిందే.
ఐపీఎల్లో ధోనీ రాణించేనా..?
ఐపీఎల్ 2020 సీజన్ మార్చి చివరి వారంలో ప్రారంభమయ్యే సూచనలు కనిపిస్తుండగా.. ఈ టోర్నీలో ఒకవేళ ధోనీ నిలకడగా రాణిస్తే..? మళ్లీ భారత జట్టులోకీ రీఎంట్రీ ఇచ్చే సూచనలు పుష్కలంగా ఉన్నాయి. టీ20 వరల్డ్కప్కి ధోనీ లాంటి సీనియర్ బ్యాట్స్మెన్ 5- 6 స్థానాల్లో బ్యాటింగ్ చేయడం టీమ్కి మేలు చేస్తుందని రవిశాస్త్రి చెప్పుకొచ్చాడు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.