ఆస్ట్రేలియా హై ఫెర్ఫార్మెన్స్ కోచ్‌గా క్రిస్ రోజర్స్

క్రికెట్ ఆస్ట్రేలియా హై ఫెర్ఫార్మెన్స్ కోచ్‌గా మాజీ టెస్ట్ బ్యాట్స్‌మెన్ క్రిస్ రోజర్స్ నియమితులయ్యారు. భావి క్రికెట్ స్టార్లను వెలుగులోకి తీసుకొచ్చే బాధ్యతను ఆయన భుజానికి ఎత్తుకోనున్నారు. 40 ఏళ్ల రోజర్స్ 25 టెస్టులు ఆడారు. చివరగా 2015లో యాషెస్ సిరీస్‌లో బరిలో దిగారు. ఇప్పటికే ఆయన కోచ్‌గా వివిధ స్థాయుల్లో బాధ్యతలు నిర్వహించారు.

ఆస్ట్రేలియా యువ క్రికెటర్లను అంతర్జాతీయ స్థాయి ఆటగాళ్లుగా తీర్చిదిద్దడంలో క్రిస్ తనదైన పనితీరు కనబరుస్తాడని క్రికెట్ ఆస్ట్రేలియా ఆశాభావం వ్యక్తం చేసింది. రోజర్స్ దాదాపు ఇరవై ఏళ్లపాటు ఆస్ట్రేలియా, ఇంగ్లాండ్ తరఫున 300 ఫస్ట్ క్లాస్ మ్యాచ్‌లు ఆడారు. బౌలింగ్ విభాగం కోసం హై ఫెర్ఫార్మెన్స్ కోచ్‌గా ఎంపికైన ర్యాన్ హ్యారిస్‌తో ఆయన కలిసి పని చేయనున్నారు.