IND vs WI 3rd T20I లో టాస్ గెలిచిన రోహిత్ శర్మ.. జడేజా ఔట్

India vs West Indies 3rd T20I: వెస్టిండీస్‌తో సెయింట్ కిట్స్ వేదికగా మంగళవారం రాత్రి జరుగుతున్న మూడో టీ20లో టాస్ గెలిచిన భారత కెప్టెన్ రోహిత్ శర్మ ఫీల్డింగ్ ఎంచుకున్నాడు. ఇదే వేదికగా సోమవారం రాత్రి జరిగిన తొలి టీ20లో భారత్‌పై 5 వికెట్ల తేడాతో వెస్టిండీస్ విజయం సాధించింది. దాంతో.. ఐదు టీ20ల సిరీస్‌ ప్రస్తుతం 1-1తో సమమైంది. భారత్ తుది జట్టులో ఒక మార్పు జరిగినట్లు కెప్టెన్ రోహిత్ శర్మ వెల్లడించాడు. సీనియర్ ఆల్‌రౌండర్ రవీంద్ర జడేజాకి రెస్ట్ ఇవ్వడంతో.. అతని స్థానంలో దీపక్ హుడా టీమ్‌లోకి వచ్చాడు. బ్యాటర్‌గానే కాదు.. ఉపయుక్తమైన స్పిన్నర్‌గానూ దీపక్ హుడా ఇటీవల సత్తాచాటుతున్నాడు. వెస్టిండీస్ తుది జట్టులోనూ ఒక మార్పు జరిగింది. ఫాస్ట్ బౌలర్ ఓడెన్ స్మిత్ స్థానంలో డొమినిక్ డ్రాక్స్ టీమ్‌లోకి వచ్చాడు.

మూడో టీ20కి భారత్ తుది జట్టు: రోహిత్ శర్మ (కెప్టెన్), సూర్యకుమార్ యాదవ్, దీపక్ హుడా శ్రేయాస్ అయ్యర్, రిషబ్ పంత్ (వికెట్ కీపర్), హార్దిక్ పాండ్య, దినేశ్ కార్తీక్, రవిచంద్రన్ అశ్విన్, భువనేశ్వర్ కుమార్, అవేష్ ఖాన్, అర్షదీప్ సింగ్

విండీస్ టీమ్: కైల్ మేయర్స్, బ్రాండన్ కింగ్, నికోలస్ పూరన్ (కెప్టెన్/ వికెట్ కీపర్), రొవ్‌మెన్ పొవెల్; సిమ్రాన్ హెట్‌మెయర్, దేవాన్ థామన్, జేసన్ హోల్డర్, అకేల హొసెన్, డొమినిక్ డ్రాక్స్, అల్జారీ జోసెఫ్, ఒబెడ్ మెకాయ్