సెహ్వాగ్ ట్వీట్ ఈసారి జడేజాను తాకింది

ఒకప్పుడు ఓపెనర్‌గా బరిలోకి దిగి ప్రత్యర్థి బౌలర్లకు చుక్కలు చూపించిన టీమిండియా మాజీ ఆటగాడు వీరేంద్ర సెహ్వాగ్.. ఇప్పుడు తనదైన ట్వీట్లతో, కామెంట్రీతో అభిమానులను అలరిస్తున్నాడు. ట్విట్టర్లో సందర్భానుసారంగా స్పందిస్తూ నెటిజన్లకు వినోదాన్ని పంచుతున్నాడు. పెద్ద నోట్ల రద్దు తర్వాత దేశంలో ఏర్పడిన ప్రస్తుత పరిస్థితికి, మొహాలీలో జడేజా మ్యాన్ ఆఫ్ ది మ్యాచ్‌కు ముడిపెట్టి తాజాగా ఓ ట్వీట్ వదిలాడు. అదెలా అంటే.. మొహాలీ టెస్టులో ఆల్‌రౌండర్‌గా అదరగొట్టిన రవీంద్ర జడేజాకు మ్యాన్ ఆఫ్ ది మ్యాచ్ దక్కింది. దీంతో పేటీఎం సంస్థ అతడి అకౌంట్లో లక్ష రూపాయల నగదును జమ చేసింది. ఇదే విషయమై సెహ్వాగ్ ట్వీట్ చేశాడు.

జడ్డూ భాయ్.. మా దగ్గరేమో రెండు వేల రూపాయలకు చిల్లర కూడా లేదు. నీ ఖాతాలో పేటీఎం ఏకంగా లక్ష రూపాయలు జమ చేసింది. కొద్ది మొత్తాన్ని నా పేటీఎం అకౌంట్‌కు కూడా ట్రాన్స్‌ఫర్ చేయొచ్చుగా అంటూ ట్వీట్ చేశాడు. అంతే.. ఈ ట్వీట్‌కు ఏకంగా 13 వేల మంది లైక్ కొట్టగా, దాదాపు మూడు వేల మంది రీ ట్వీట్ చేశారు. మరి సెహ్వాగా మజాకా.

Wah Jaddu Bhai ! Hamare paas toh 2000 ke chhutte nahi hai aur aap @Paytm mein 1 Lakh le gaye. Thoda hamare Paytm mein bhi transfer kijiye 📲💰 pic.twitter.com/IEKdp7cIdp— Virender Sehwag (@virendersehwag) November 29, 2016