అమ్మ పాండ్యా.. ఆ అమ్మాయి ఎవరోయ్!

టీమిండియా నయా ఆల్‌రౌండర్ హార్దిక్‌ పాండ్య.. ఇప్పుడు హాట్ టాపిక్‌గా మారాడు. ఆస్ట్రేలియాపై వన్డే సిరీస్ నెగ్గడంలో కీలక పాత్ర పోషించి ‘మ్యాన్ ఆఫ్ ది సిరీస్’గా నిలిచిన అతడు హాట్ టాపిక్‌గా మారడంలో వింతేముంది అంటారా? అయితే.. ఇప్పుడు అతడు వార్తల్లోకెక్కింది ఆటతో కాదు.. ఓ అమ్మాయితో. అవును.. తాజాగా అతడు ఓ అమ్మాయితో దిగిన సెల్ఫీ సోషల్ మీడియాలో వైరల్‌గా మారింది. దీంతో అభిమానులు పప్పు భోజనం ఎప్పుడు పెట్టిస్తున్నావంటూ తెగ ప్రశ్నల వర్షం కురిపిస్తున్నారు.

అటూ బ్యాటింగ్‌.. ఇటూ బౌలింగ్‌.. రెండింటిలోనూ రాణిస్తూ పాండ్య ఇటీవల అంతర్జాతీయ క్రికెట్‌లో ప్రత్యేక గుర్తింపు సాధించాడు. అయితే.. ఇప్పుడు అతడి పేరు అమ్మాయిల విషయంలోనూ మారు మోగిపోతోంది. మొన్నా మధ్య బాలీవుడ్‌ నటి పరిణీతి చోప్రాతో వరస ట్వీట్లు పెట్టి వార్తల్లోకెక్కిన విషయం తెలిసిందే.

పాండ్య తాజాగా దిగిన సెల్ఫీపై అభిమానులు కామెంట్ల వర్షం కురిపిస్తున్నారు. ‘భయ్యా.. ఎవరీవిడ? బాబీ(వదిన)యే కదా’ అని ఓ అభిమాని అడగ్గా.. ‘పాండ్యకు సరైన జోడీ’ అంటూ మరో అభిమాని కామెంట్ పెట్టాడు. ‘భవిష్యత్‌లో భారత జట్టుకు కెప్టెన్ కావాల్సిన వాడివి.. ఆ అమ్మాయి వెనకాల పడి కెరీర్ నాశనం చేసుకోకు’ అంటూ మరో అభిమాని చురకంటించాడు.

మొత్తానికి మ్యాన్ ఆఫ్ ది సిరీస్‌ అందుకున్న మరుసటి రోజే పాండ్య మరోసారి వార్తల్లోకెక్కాడు. ఈ ఏడాది భారత్ తరఫున ఇప్పటివరకూ అత్యధిక సిక్స్‌లు కొట్టింది పాండ్యానే కావడం గమనార్హం. ఆసీస్‌తో జరిగిన వన్డే సిరీస్‌లోనే అతడు 10 సిక్స్‌లు బాదాడు.
  😍😍😍 @hardikpandya_official @hardikpandya_official A post shared by Hardik Pandya (@hardikpandya_official) on Sep 29, 2017 at 8:55am PDT