India vs pakistan asia cup: పాకిస్థాన్‌తో ఈరోజు జరగనున్న ఆసియా కప్ మ్యాచ్‌కి భారత్ తుది జట్టుపై ఉత్కంఠ నెలకొంది. దుబాయ్ వేదికగా ఈరోజు రాత్రి 7:30 గంటలకి మ్యాచ్ జరగనుండగా.. తుది జట్టు ఇంకా క్లారిటీ రావడం లేదు. భారత కెప్టెన్ రోహిత్ శర్మ ఈరోజు మ్యాచ్‌లో పాకిస్థాన్‌కి సర్‌ప్రైజ్ ఇవ్వబోతున్నట్లు బాహాటంగా ప్రకటించాడు. దాంతో తుది జట్టు కూడా కొత్తగా ఉండబోతోందనే సంకేతాలు వినిపిస్తున్నాయి. అలానే ప్రయోగాలు చేసేందుకు కూడా వెనుకాడబోమని హిట్‌మ్యాన్ ఇప్పటికే స్పష్టం చేశాడు.
ఇద్దరు పేసర్లు, ఇద్దరు స్పిన్నర్లు, ఇద్దరు ఆల్‌రౌండర్ల కాంబినేషన్‌తో భారత్ తుది జట్టుని రోహిత్ శర్మ ఎంచుకోబోతున్నట్లు ప్రచారం జరుగుతోంది. పవర్ ప్లేలో భువీ, అర్షదీప్ సింగ్, అశ్విన్ బౌలింగ్ బాధ్యతలు తీసుకుంటే మిడిల్ ఓవర్లలో హార్దిక్ పాండ్య, రవీంద్ర జడేజాతో కలిసి చాహల్ బౌలింగ్ చేసే అవకాశం ఉంది. అలానే బ్యాటింగ్ ఆర్డర్‌లోనూ నెం.7 వరకూ బ్యాటర్లు ఉండనున్నారు. దుబాయ్ పిచ్ స్పిన్‌కి అనుకూలమని శనివారం రాత్రి శ్రీలంక, అఫ్గానిస్థాన్ మధ్య జరిగిన మ్యాచ్‌తో తేలిపోయింది. దాంతో ముగ్గురు స్పిన్నర్లు జట్టులో ఉండటం దాదాపు లాంఛనమే. దాంతో దీపక్ హుడా, దినేశ్ కార్తీక్‌పై వేటు పడే సూచనలు కనిపిస్తున్నాయి.
ఇద్దరు పేసర్లు, ఇద్దరు స్పిన్నర్లు, ఇద్దరు ఆల్‌రౌండర్ల కాంబినేషన్‌తో భారత్ తుది జట్టుని రోహిత్ శర్మ ఎంచుకోబోతున్నట్లు ప్రచారం జరుగుతోంది. పవర్ ప్లేలో భువీ, అర్షదీప్ సింగ్, అశ్విన్ బౌలింగ్ బాధ్యతలు తీసుకుంటే మిడిల్ ఓవర్లలో హార్దిక్ పాండ్య, రవీంద్ర జడేజాతో కలిసి చాహల్ బౌలింగ్ చేసే అవకాశం ఉంది. అలానే బ్యాటింగ్ ఆర్డర్‌లోనూ నెం.7 వరకూ బ్యాటర్లు ఉండనున్నారు. దుబాయ్ పిచ్ స్పిన్‌కి అనుకూలమని శనివారం రాత్రి శ్రీలంక, అఫ్గానిస్థాన్ మధ్య జరిగిన మ్యాచ్‌తో తేలిపోయింది. దాంతో ముగ్గురు స్పిన్నర్లు జట్టులో ఉండటం దాదాపు లాంఛనమే. దాంతో దీపక్ హుడా, దినేశ్ కార్తీక్‌పై వేటు పడే సూచనలు కనిపిస్తున్నాయి.