Shubman Gill Scored Most Runs For India In Odi In 2023
Shubman Gill : ఆస్ట్రేలియాని కంగారు పెడుతున్న శుభమన్ గిల్ వన్డే రికార్డ్.. 2023లో టాప్
IND vs AUS 1st ODI కి ముందు శుభమన్ గిల్ వన్డే రికార్డులు ఆస్ట్రేలియా జట్టులో కంగారు పెంచుతున్నాయి. ఈ ఏడాది ఇప్పటికే ఒక డబుల్ సెంచరీతో సహా మూడు సెంచరీలు నమోదు చేసిన గిల్.. ఐసీసీ ప్లేయర్ ఆఫ్ ది మంత్ అవార్డుని కూడా అందుకున్నాడు.
Authored byరాజేంద్ర గాలేటి | Samayam Telugu16 Mar 2023, 10:17 pm
భారత్, ఆస్ట్రేలియా మధ్య (India vs Australia) శుక్రవారం నుంచి మూడు వన్డే సిరీస్ ప్రారంభంకాబోతోంది. ఈ సిరీస్‌లో అందరూ విరాట్ కోహ్లీ, రోహిత్ శర్మ ఎలా బ్యాటింగ్ చేస్తారో? అని మాట్లాడుకుంటున్నారు. కానీ.. ఆస్ట్రేలియా టీమ్ మాత్రం ఈ ఇద్దరి కంటే యంగ్ ఓపెనర్ శుభమన్ గిల్ (Shubman Gill) గురించి ఎక్కువగా కంగారు పడుతోందట. దానికి కారణం ఈ ఏడాది వన్డేల్లో గిల్ సాధిస్తున్న పరుగులే.
Samayam Teluguశుభమన్ గిల్
2023లో ఇప్పటి వరకు 6 వన్డేలాడిన గిల్ ఏకంగా 567 పరుగులు చేశాడు. ఈ ఏడాది వన్డేల్లో అతని సగటు 113.40కాగా.. మూడు సెంచరీలు (ఒక డబుల్ సెంచరీ), ఒక హాఫ్ సెంచరీ నమోదు చేశాడు. 2023లో గిల్ తరహాలో వన్డేల్లో ఏ బ్యాటరూ పరుగులు రాబట్టలేకపోయారు. భారత్ తరఫున గిల్ తర్వాత విరాట్ కోహ్లీ 338 పరుగులతో రెండో స్థానంలో ఉండగా.. రోహిత్ శర్మ 328 పరుగులతో మూడో స్థానంలో ఉన్నాడు. ఈ ఇద్దరి సగటు ఈ ఏడాది వన్డేల్లో 67.60, 54.66గా ఉండటం గమనార్హం.
ముంబయిలోని వాంఖడే స్టేడియం వేదికగా శుక్రవారం మధ్యాహ్నం తొలి వన్డే మ్యాచ్ జరగనుండగా.. రోహిత్ శర్మ తన బావ పెళ్లి కారణంగా వన్డేకి దూరంగా ఉండనున్నాడు. దాంతో ఇషాన్ కిషన్‌తో కలిసి భారత్ ఇన్నింగ్స్‌ని గిల్ స్టార్ట్ చేయబోతున్నాడు.
గాలేటి రాజేంద్ర సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పనిచేస్తున్నారు. ఇక్కడ స్పోర్ట్స్, సినిమాకి సంబంధించిన వార్తలు, విశ్లేషణలు రాస్తుంటారు. క్రికెట్ అంటే అమితమైన ఇష్టం. మ్యాచ్‌లకి సంబంధించి ఆసక్తికరమైన కథనాల్ని అందిస్తుంటారు. ఈయనకి జర్నలిజంలో 10 ఏళ్లకి పైగా అనుభవం ఉంది. గతంలో ఈనాడు.నెట్‌లో పనిచేశారు. అంతకముందు జర్నలిజంలో పీజీ చేయడంతో పాటు ఈనాడు జర్నలిజం స్కూల్‌లో శిక్షణ పొందారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
