ధావన్ మళ్లీ ఫ్యామిలీ టచ్ ఇచ్చాడు..!

భారత్ ఓపెనర్ శిఖర్ ధావన్ ఫ్యామిలీకి ఎంత విలువిస్తాడో మన అందరికీ తెలుసు. రెండు నెలల క్రితం శ్రీలంకతో సిరీస్ జరుగుతుండగా.. తన తల్లికి ఆరోగ్యం బాగాలేకపోవడంతో మధ్యలోనే అక్కడ నుంచి స్వదేశానికి వచ్చేశాడు. మొన్నటికి మెన్న తన భార్య‌కి సర్జరీ జరుగుతుండటంతో ఏకంగా ఆస్ట్రేలియా‌తో వన్డే సిరీస్‌ నుంచి తనని పక్కకి తప్పించాలని బీసీసీఐని అభ్యర్థించి మరీ ఆమె బాగోగులు దగ్గరుండి చూసుకున్నాడు. తాజాగా న్యూజిలాండ్‌తో పుణె వేదికగా జరిగిన రెండో వన్డేలో అర్ధశతకం సాధించి భారత్‌ని గెలిపించిన ధావన్.. ఓ వీడియోని అభిమానులతో పంచుకున్నాడు.

పుణె వన్డే ఆరంభానికి ముందు.. భారత క్రికెటర్లు జాతీయ గీతం ఆలపిస్తుండగా.. ఇంటి దగ్గర నుంచి టీవీలో ప్రత్యక్ష ప్రసారం ద్వారా మ్యాచ్‌ని వీక్షిస్తున్న ధావన్ కొడుకు జొరావర్ ఉద్వేగ క్షణాలకి సంబంధించిన వీడియో ఇది. టీవీలో తనని చూసిన జొరావర్ ‘నాన్నే కదా..?’ అంటూ ఆనందం వ్యక్తం చేయడం చాలా హ్యాపీగా అనిపించిందని అతనికి అందరి ఆశీర్వాదాలు ఉండాలంటూ ధావన్ రాసుకొచ్చాడు. భారత్, న్యూజిలాండ్ మధ్య ఆదివారం కాన్పూర్ వేదికగా విజేత నిర్ణయాత్మక వన్డే జరగనుంది.

  Dil bhar aaya video dekh ke, jis tareeke se woh mujhe dhoondh rha hai.wish zoraver ko gale laga sakta main aur khoob pyaar de sakta. Mera pyaar aur duyaaein hamesha mere bachon ke saath hain ...love u all 🤗🤗❤️❤️😘😘😘 A post shared by Shikhar Dhawan (@shikhardofficial) on Oct 26, 2017 at 3:51am PDT