Sourav Ganguly Says Virender Sehwag Is One Of The Finest Batsmen To Have Played For India
Sourav Ganguly: ఓపెనింగ్ కోసం సెహ్వాగ్ను మోటివేట్ చేశా..
భారత క్రికెట్లో వీరేంద్ర సెహ్వాగ్కు విశిష్ట స్థానం ఉంటుందనడంలో ఎలాంటి సందేహం లేదు. డేరింగ్ అండ్ డాషింగ్ ఆటతీరుకు తను పెట్టింది పేరుగా మారాడు. తాను ఓపెనర్గా మారక ఎంత విధ్వంసం సృష్టించాడో అందరికీ తెలిసిందే. తాను టీమ్లో అడుగుపెట్టేవరకు భారత్కు కలగా ఉన్న ట్రిపుల్ సెంచరీని అవలీలగా సాధించాడు. ఒక్కసారి కాదు రెండుసార్లు.. అలాంటి సెహ్వాగ్ ఓపెనర్గా తను ఎలా ఒప్పించాడో మాజీ కెప్టెన్, బీసీసీఐ ప్రస్తుత చీఫ్ సౌరవ్ గంగూలీ తెలిపాడు.
Samayam Telugu29 Dec 2019, 4:13 pm
భారత క్రికెట్లో వీరేంద్ర సెహ్వాగ్కు విశిష్ట స్థానం ఉంటుందనడంలో ఎలాంటి సందేహం లేదు. డేరింగ్ అండ్ డాషింగ్ ఆటతీరుకు తను పెట్టింది పేరుగా మారాడు. తాను ఓపెనర్గా మారక ఎంత విధ్వంసం సృష్టించాడో అందరికీ తెలిసిందే. తాను టీమ్లో అడుగుపెట్టేవరకు భారత్కు కలగా ఉన్న ట్రిపుల్ సెంచరీని అవలీలగా సాధించాడు. ఒక్కసారి కాదు రెండుసార్లు.. అలాంటి సెహ్వాగ్ ఓపెనర్గా తను ఎలా ఒప్పించాడో మాజీ కెప్టెన్, బీసీసీఐ ప్రస్తుత చీఫ్ సౌరవ్ గంగూలీ తెలిపాడు.
సెహ్వాగ్ ఏం తీసిపోడు..
భారత లెజెండరీ ఓపెనర్ సునీల్ గావస్కర్ను ఆల్టైమ్ గ్రేట్ ఓపెనర్గా పరిగణిస్తారని, సెహ్వాగ్ కూడా అందుకు ఏమాత్రం తీసిపోడని గంగూలీ వ్యాఖ్యానించాడు.
అలా సెహ్వాగ్ను ఓపెనర్ చేశా
నిజానికి సెహ్వాగ్ను ఓపెనర్గా ప్రమోట్ చేసేందుకు కొంత మోటివేట్ చేయాల్సి వచ్చిందని తెలిపాడు. ‘ప్రతీ ప్లేయర్ ఒక బ్యాటింగ్ స్థానం కోసం అంటూ ఆడరని, జట్టు కోసం ఎలాంటి పరిస్థితుల్లోనైనా ఆడేందుకు సిద్ధంగా ఉండాలి’ లని సెహ్వాగ్తో అన్నట్లు గంగూలీ తెలిపాడు.
రెచ్చిపోయిన సెహ్వాగ్
అప్పటివరకు మిడిలార్డర్లో సెహ్వాగ్ ఆడాడని, ఓపెనర్గా మారడంతో తన ఆటతీరు మారిపోయిందని గంగూలీ చెప్పుకొచ్చాడు. ఓపెనర్గా ప్రమోటయ్యాక సెహ్వాగ్ ఆటతీరు గురించి అందరికీ తెలిసిందేనని వ్యాఖ్యానించాడు.
టాపార్డర్లో ఎక్కువ రన్స్ చేయచ్చు..
నిజానికి టాపార్డర్లో ఆడడంతోనే తాను గానీ, సచిన్ గానీ ఎక్కువ పరుగులు సాధించామని, మిడిలార్డర్లో ఆడినట్లయితే అప్పటికి చేసిన రన్స్లో సగమే చేసి ఉండేవారమని అన్నట్లు గంగూలీ తెలిపాడు.
సెహ్వాగ్ మ్యాచ్ విన్నర్
‘తాను ఆడిన కాలంలో సెహ్వాగ్ బిగ్గెస్ట్ మ్యాచ్ విన్నర్ అని నేను నమ్ముతాను. తమ కంఫర్ట్జోన్స్ నుంచి బయటకు వచ్చి ఆడే ప్లేయర్లే గొప్ప ఆటగాళ్లు అవుతారు’ అని గంగూలీ వ్యాఖ్యానించాడు.
గంగూలీ కారణంగానే..
గంగూలీ కెప్టెన్సీలోనే సెహ్వాగ్ ఓపెనర్గా ప్రమోటయ్యాడు. తన కెరీర్లో 104 టెస్టులాడిన సెహ్వాగ్.. 8,586 పరుగులు చేశాడు. ఇందులో 23 సెంచరీలు, 32 ఫిఫ్టీలున్నాయి. 251 వన్డేల్లో 8,273 రన్స్ చేశాడు. ఇందులో 15 సెంచరీల, 38 ఫిఫ్టీలు ఉన్నాయి. తనను ఓపెనర్గా ప్రమోట్ చేసినందుకు వివిధ సందర్భాల్లో గంగూలీకి సెహ్వాగ్ థ్యాంక్స్ కూడా చెప్పాుడు.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.