యాప్నగరం

రెండో టీ20లో తెలివిగా వ్యవహరిస్తాం..!

భారత్‌తో బుధవారం రాత్రి జరగనున్న రెండో టీ20లో దక్షిణాఫ్రికా జట్టు కొంచెం తెలివిగా వ్యవహరిస్తే మంచిదని ఆ జట్టు ఫాస్ట్

TNN 20 Feb 2018, 8:05 pm
భారత్‌తో బుధవారం రాత్రి జరగనున్న రెండో టీ20లో దక్షిణాఫ్రికా జట్టు కొంచెం తెలివిగా వ్యవహరిస్తే మంచిదని ఆ జట్టు ఫాస్ట్ బౌలర్ జూనియర్ డాలా సూచించాడు. గత ఆదివారం రాత్రి జరిగిన తొలి టీ20 మ్యాచ్‌తో అంతర్జాతీయ క్రికెట్‌లోకి అరంగేట్రం చేసిన ఈ సఫారీ బౌలర్.. తొలి మ్యాచ్‌లోనే రోహిత్ శర్మ, సురేశ్ రైనా వికెట్లని పడగొట్టి అందర్నీ ఆకర్షించాడు. కానీ.. మ్యాచ్ మధ్యలో ధావన్ దూకుడు పెంచడంతో లయ తప్పిన డాలా.. చివర్లో భారీగా పరుగులు సమర్పించుకున్నాడు. తనతో పాటు జట్టులోని మిగతా బౌలర్లు కూడా లయ తప్పడంతోనే టీమిండియా భారీ స్కోరు చేసి మ్యాచ్‌పై పట్టు సాధించగలిగిందని ఈ కుర్ర బౌలర్ అభిప్రాయపడ్డాడు. ఈ మ్యాచ్‌లో భారత్ 28 పరుగుల తేడాతో గెలుపొందిన విషయం తెలిసిందే.
Samayam Telugu south africa need to be more proactive with bowling plans says junior dala
రెండో టీ20లో తెలివిగా వ్యవహరిస్తాం..!


‘ఏదైన వ్యూహం సరిగ్గా అమలు చేయలేకపోతే.. అది చెత్తగా కనిపిస్తుంది. నిజాయతీగా చెప్పాలంటే తొలి టీ20లో దక్షిణాఫ్రికా బౌలర్ల వద్ద సరైన గేమ్ ప్లాన్ లేదు. ఈ కారణంగానే.. ధావన్ జోరు పెంచగానే లయ తప్పాం. ఆ సమయంలో రెండో గేమ్ ప్లాన్ మా వద్ద ఉండింటే బాగుండేది. ప్రత్యర్థి ఒక వ్యూహాన్ని చిత్తు చేసినప్పుడు.. జట్టు ఇంకొంచెం లౌక్యంగా వ్యవహరించాలి. రెండో టీ20లోనూ ఓ వ్యూహంతో బరిలోకి దిగుతున్నాం..అయితే.. ఈ సారి తెలివిగా వ్యవహరిస్తాం’ అని జూనియర్ డాలా ధీమా వ్యక్తం చేశాడు. ఈ మ్యాచ్‌లో తొలుత బ్యాటింగ్ చేసిన భారత జట్టు శిఖర్ ధావన్ (72: 39 బంతుల్లో 10x2, 2x6) జోరుతో 203 పరుగులు చేయగా.. ఛేదనలో దక్షిణాఫ్రికా 175 పరుగులకే పరిమితమైంది.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.