టీమిండియాకి మూడు.. పాక్‌కి ఎనిమిది

ఛాంపియన్స్ ట్రోఫీకి ముందు టీమిండియాకు సంతోషం కలిగించే వార్త. ఐసీసీ సోమవారం ప్రకటించిన వన్డే ర్యాంకింగ్స్ జాబితాలో భారత్ మూడో స్థానంలో నిలిచింది. 123 పాయింట్లతో దక్షిణాఫ్రికా అగ్రస్థానాన్ని తిరిగి కైవసం చేసుకోగా.. తర్వాత స్థానంలో 118 పాయింట్లతో ఆస్ట్రేలియా నిలిచింది. ఒక పాయింట్ తేడాతో భారత్ (117) మూడో స్థానంతో సరిపెట్టుకోవాల్సి వచ్చింది. టాప్-8లో పాకిస్థాన్ చోటు సంపాదించినా.. ఏడో స్థానంలో నిలిచిన బంగ్లాదేశ్ (91) కంటే మూడు పాయింట్లు తక్కువగా ఉండటం ఆ జట్టు పేలవ ప్రదర్శనకి అద్దం పడుతోంది. మరోవైపు గత కొంతకాలంగా వన్డేల్లో ఘోరంగా విఫలమవుతున్న వెస్టిండీస్ 79 పాయింట్లతో తొమ్మిదో స్థానంలో నిలవగా.. తర్వాత అఫ్గానిస్థాన్ (52) ఉంది.

వన్డే ర్యాంకింగ్స్
1. దక్షిణాఫ్రికా (123)
2. ఆస్ట్రేలియా (118)
3. భారత్ (117)
4. న్యూజిలాండ్ (115)
5. ఇంగ్లాండ్ (109)
6. శ్రీలంక (93)
7. బంగ్లాదేశ్ (91)
8. పాకిస్థాన్ (88)
9. వెస్టిండీస్ (79)
10. అఫ్గానిస్థాన్ (52)