Virat Kohli బిహేవియర్పై రోహిత్ శర్మ షాకింగ్ రియాక్షన్ (వీడియో)
రోహిత్ శర్మ, విరాట్ కోహ్లీ మధ్య అభిప్రాయభేదాలు ఉన్నాయనేది బహిరంగ రహస్యం. ఇప్పటికీ ఈ ఇద్దరు స్టార్ బ్యాట్స్మెన్లు మైదానంలో సఖ్యతగా కనిపించడం లేదు. తాజాగా మరోసారి..
Samayam Telugu 23 Jun 2021, 10:00 am
ప్రధానాంశాలు:
- డబ్ల్యూటీసీ ఫైనల్లో విరాట్ కోహ్లీ వింత చేష్టలు
- అసహ్యించుకున్న ఓపెనర్ రోహిత్ శర్మ
- కోహ్లీకి కనబడకుండా వెనుక నుంచి తిట్టిన వైనం
- 2019 నుంచి ఇద్దరి మధ్య అభిప్రాయభేదాలు
టీమిండియా కెప్టెన్ విరాట్ కోహ్లీ, సీనియర్ ఓపెనర్ రోహిత్ శర్మ మధ్య గత కొంతకాలంగా కోల్డ్ వార్ నడుస్తోంది. 2019 వన్డే ప్రపంచకప్లో ఐదు సెంచరీలు బాదిన రోహిత్ శర్మ ఒంటిచేత్తో టీమ్ని సెమీస్కి చేర్చాడు. కానీ.. న్యూజిలాండ్తో సెమీ ఫైనల్లో ధోనీ బ్యాటింగ్ ఆర్డర్ని మార్చిన విరాట్ కోహ్లీ.. భారత్ జట్టు ఓటమికి కారణమయ్యాడు. దాంతో.. అప్పట్లో డ్రెస్సింగ్ రూములో ఇద్దరి మధ్య గొడవ జరిగినట్లు వార్తలు వచ్చాయి. ఆ తర్వాత రోహిత్ శర్మపై టెస్టుల్లో వేటు.. ఆస్ట్రేలియా టూర్కి ఎంపిక చేయకపోవడం తదితర కారణాలు ఇద్దరి మధ్య దూరం పెంచాయి. ఇప్పటికీ ఇద్దరి మధ్య సఖ్యత లేదని నెటిజన్లు చెప్పుకొస్తున్నారు. భారత్, న్యూజిలాండ్ మధ్య సౌథాంప్టన్ వేదికగా ఐసీసీ వరల్డ్ టెస్టు ఛాంపియన్షిప్ ఫైనల్ మ్యాచ్ జరుగుతుండగా.. మంగళవారం స్లిప్లో రోహిత్ శర్మతో కలిసి ఫీల్డింగ్ చేసిన విరాట్ కోహ్లీ తెగ ఉత్సాహంగా కనిపించాడు. కానీ.. కోహ్లీ అత్యుత్సాహం రోహిత్ శర్మకి కోపం తెప్పించినట్లు తెలుస్తోంది. సౌథాంప్టన్లో వాతావరణం చల్లగా ఉండటంతో.. వార్మప్తో శరీరం ఉష్ణోగ్రతని పెంచుకునేందుకు విరాట్ కోహ్లీ ప్రయత్నించాడు. ఈ క్రమంలో కోహ్లీ చేష్టలకి రోహిత్ శర్మ అసహనం వ్యక్తం చేస్తున్న వీడియో ఒకటి వెలుగులోకి వచ్చింది.
డబ్ల్యూటీసీ ఫైనల్లో ఆట ఈరోజే ఆఖరికాగా.. మంగళవారం ఆట ముగిసే సమయానికి భారత్ జట్టు రెండో ఇన్నింగ్స్లో 64/2తో నిలిచింది. రోహిత్ శర్మ 30 పరుగుల వద్ద ఔటవగా.. ప్రస్తుతం క్రీజులో విరాట్ కోహ్లీ (8 బ్యాటింగ్), చతేశ్వర్ పుజారా (12 బ్యాటింగ్) ఉన్నారు. టీమిండియా ప్రస్తుతం 32 పరుగుల ఆధిక్యంలో ఉంది.
డబ్ల్యూటీసీ ఫైనల్లో ఆట ఈరోజే ఆఖరికాగా.. మంగళవారం ఆట ముగిసే సమయానికి భారత్ జట్టు రెండో ఇన్నింగ్స్లో 64/2తో నిలిచింది. రోహిత్ శర్మ 30 పరుగుల వద్ద ఔటవగా.. ప్రస్తుతం క్రీజులో విరాట్ కోహ్లీ (8 బ్యాటింగ్), చతేశ్వర్ పుజారా (12 బ్యాటింగ్) ఉన్నారు. టీమిండియా ప్రస్తుతం 32 పరుగుల ఆధిక్యంలో ఉంది.