యాప్నగరం

Asia Cup 2022లో నేడు ప్రి ఫైనల్.. శ్రీలంక, పాక్ జట్లలో గెలుపెవరిది!

Asia Cup 2022: ఆసియా కకప్ ఫైనల్‌కు ముందు నేడు రిహార్సల్స్ లాంటి మ్యాచ్ జరగనుంది. శ్రీలంక, పాకిస్థాన్ జట్లు ప్రీ ఫైనల్ మ్యాచ్‌లో తలపడనున్నాయి. ఈ మ్యాచ్‌లో ఇరు జట్లు కీలక ఆటగాళ్లకు విశ్రాంతినిచ్చి.. రిజర్వ్ ఆటగాళ్లను బరిలోకి దింపే అవకాశం ఉంది.

Authored byరవి కుమార్ | Samayam Telugu 9 Sep 2022, 4:17 pm
ఆసియా కప్‌లో ఫైనల్ చేరిన శ్రీలంక, పాకిస్థాన్ జట్లు మరికాసేపట్లో సూపర్-4లో తలపడబోతున్నాయి. ఆదివారం ఫైనల్ మ్యాచ్‌ జరగనుండగా.. నేటి మ్యాచ్ ఇరు జట్లకు వార్మప్‌లా ఉపయోగపడనుంది. సూపర్-4 దశలో చెరో రెండు విజయాలు సాధించిన శ్రీలంక, పాక్‌లు.. ఫైనల్‌కు అర్హత సాధించాయి. బుధవారం ఆప్ఘానిస్థాన్‌తో జరిగిన మ్యాచ్‌లో ఒక్క వికెట్ తేడాతో గెలిచిన పాకిస్థాన్ ఫైనల్‌కు అర్హత సాధించింది.
Samayam Telugu SL vs PAK
శ్రీలంక వర్సెస్ పాక్


నేటి మ్యాచ్‌లో ఓడినా, గెలిచినా ఎలాంటి తేడా ఉండబోదు. కానీ గెలిచిన జట్టు ఫైనల్లో ఆత్మవిశ్వాసంతో బరిలోకి దిగే అవకాశం ఉంది. దీంతో ఇరు జట్లు తమ ప్రధాన ఆటగాళ్లకు విశ్రాంతినిచ్చి.. రిజర్వ్ ఆటగాళ్లను బరిలోకి దింపి కొత్త కాంబినేషన్ల కోసం ప్రయత్నించే అవకాశం ఉంది.

డిఫెండింగ్ ఛాంపియన్ అయిన భారత జట్టు వరుసగా పాకిస్థాన్, శ్రీలంక చేతుల్లో ఓడి ఆసియా కప్ నుంచి నిష్క్రమించిన సంగతి తెలిసిందే. ఆప్ఘానిస్థాన్‌పై 101 పరుగుల తేడాతో విజయం సాధించిన భారత్.. ఆసియా కప్‌లో తన పోరాటాన్ని ముగించింది.

ఆసియా కప్ ప్రారంభానికి ముందే.. పాకిస్థాన్ జట్టు షాహీన్ అఫ్రిదీ, మహ్మద్ వసీం సేవలను గాయాల కారణంగా కోల్పోయింది. భారత్‌తో రెండో మ్యాచ్‌కు ముందు షహనవాజ్ దహానీ గాయపడ్డాడు. ఫైనల్‌కు ముందు జరిగే మ్యాచ్‌లో పాకిస్థాన్ జట్టు తన ప్రధాన పేసర్లలో ఒకరికి విశ్రాంతినిచ్చే అవకాశం ఉంది. హసన్ అలీకి ఆడే ఛాన్స్ ఇవ్వొచ్చు. లెగ్ స్పిన్నర్ షాదాబ్ ఖాన్‌కు విశ్రాంతినిచ్చి ఉస్మాన్ ఖాదిర్‌ను ఆడించే అవకాశం ఉంది.

శ్రీలంక సైతం ఆసియా కప్‌లో అత్యంత పేలవంగా ఆడుతున్న వన్‌డౌన్ బ్యాట్స్‌మెన్ అసలంక స్థానంలో ఆల్‌రౌండర్ ధనంజయ డిసిల్వను ఆడించే అవకాశం ఉంది.

ఇది ఆసియా కప్ 15వ ఎడిషన్ కాగా శ్రీలంక జట్టు ఫైనల్ చేరడం ఇది 12వసారి కావడం గమనార్హం. ఆరోసారి ఆసియా కప్ నెగ్గాలని శ్రీలంక కోరుకుంటోంది. ఆసియా కప్‌ను అత్యధికసార్లు సాధించిన జట్టుగా రికార్డ్ భారత్ (7) పేరిట ఉంది. మరోవైపు పాకిస్థాన్ రెండుసార్లు (2000, 2012 సంవత్సరాల్లో) మాత్రమే ఆసియాకప్‌ను గెలుచుకుంది.
రచయిత గురించి
రవి కుమార్
రవి కుమార్ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్‌గా పని చేస్తున్నారు. స్పోర్ట్స్, ఏపీ, తెలంగాణకు సంబంధించిన వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 12 ఏళ్లకు పైగా అనుభవం ఉంది. గతంలో ప్రముఖ మీడియా సంస్థల్లో వార్తలు, ఎడ్యుకేషన్ సంబంధింత అంశాలను అందించారు.... మరిన్ని చదవండి

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.