ధోనీలా హెలికాప్టర్ షాట్ ఆడిన స్టీవ్స్మిత్
అంతర్జాతీయ క్రికెట్లో ఆడినన్ని రోజులూ హెలికాప్టర్ షాట్ ఆడే సాహసం చేయని స్టీవ్స్మిత్.. లోకల్ మ్యాచ్ల్లో మాత్రం స్వేచ్ఛగా ఆడేస్తున్నాడు.
Samayam Telugu 5 Nov 2018, 8:18 pm
బాల్ టాంపరింగ్కి పాల్పడి ఏడాది నిషేధానికి గురైన ఆస్ట్రేలియా మాజీ కెప్టెన్ స్టీవ్స్మిత్ ఆ దేశంలో లోకల్ టీ20 మ్యాచ్లు ఆడుతూ బిజీగా ఉన్నాడు. తాజాగా జరిగిన ఓ మ్యాచ్లో తొలుత బంతితో రాణించిన ఈ మాజీ కెప్టెన్.. ఆ తర్వాత భారీ షాట్లతో చెలరేగిపోయాడు. ముఖ్యంగా.. వికెట్లను పూర్తిగా విడిచిపెట్టి మరీ బ్యాటింగ్ స్టాన్స్ తీసుకుని.. బంతుల్ని స్టాండ్స్లోకి తరలించేశాడు. ఈ క్రమంలోనే ఓ బంతిని ధోనీ తరహాలో హెలికాప్టర్ షాట్ ఆడి అభిమానుల్ని అలరించాడు.
ఐపీఎల్లో రైజింగ్ పుణె సూపర్ జెయింట్స్ తరఫున 2017లో ధోనీతో కలిసి ఆడిన స్టీవ్స్మిత్ అప్పట్లో ధోనీ ప్రాక్టీస్ని దగ్గర నుంచి పరిశీలించినట్లున్నాడు. అయితే.. అంతర్జాతీయ క్రికెట్లో ఆడినన్ని రోజులూ ఆ షాట్ ఆడే సాహసం చేయని స్టీవ్స్మిత్.. లోకల్ మ్యాచ్ల్లో మాత్రం స్వేచ్ఛగా ఆడేస్తున్నాడు. ముఖ్యంగా.. వికెట్లని పూర్తిగా వదిలేసి అతను బ్యాటింగ్ స్టాన్స్ తీసుకుంటుండటంతో.. బౌలర్లు యార్కర్ విసిరి బౌల్డ్ చేయాలని ఆశిస్తున్నారు. ఇదే స్టీవ్స్మిత్కి వరంలా మారుతోంది. పాదాలకి సమీపంలో పడిన బంతిని.. అతను అలవోకగా స్టాండ్స్లోకి తరలించేస్తున్నాడు. మ్యాచ్లో అప్పటి వరకు సిక్సర్లతో మెరిసిన స్టీవ్స్మిత్.. ఆఖరికి ప్రత్యర్థి వికెట్ కీపర్ అత్యద్భుతంగా డైవ్ క్యాచ్ పట్టడంతో వెనుదిరిగాడు.
ఐపీఎల్లో రైజింగ్ పుణె సూపర్ జెయింట్స్ తరఫున 2017లో ధోనీతో కలిసి ఆడిన స్టీవ్స్మిత్ అప్పట్లో ధోనీ ప్రాక్టీస్ని దగ్గర నుంచి పరిశీలించినట్లున్నాడు. అయితే.. అంతర్జాతీయ క్రికెట్లో ఆడినన్ని రోజులూ ఆ షాట్ ఆడే సాహసం చేయని స్టీవ్స్మిత్.. లోకల్ మ్యాచ్ల్లో మాత్రం స్వేచ్ఛగా ఆడేస్తున్నాడు. ముఖ్యంగా.. వికెట్లని పూర్తిగా వదిలేసి అతను బ్యాటింగ్ స్టాన్స్ తీసుకుంటుండటంతో.. బౌలర్లు యార్కర్ విసిరి బౌల్డ్ చేయాలని ఆశిస్తున్నారు. ఇదే స్టీవ్స్మిత్కి వరంలా మారుతోంది. పాదాలకి సమీపంలో పడిన బంతిని.. అతను అలవోకగా స్టాండ్స్లోకి తరలించేస్తున్నాడు. మ్యాచ్లో అప్పటి వరకు సిక్సర్లతో మెరిసిన స్టీవ్స్మిత్.. ఆఖరికి ప్రత్యర్థి వికెట్ కీపర్ అత్యద్భుతంగా డైవ్ క్యాచ్ పట్టడంతో వెనుదిరిగాడు.