సుప్రీం కోర్ట్ Vs బీసీసీఐ: కీలక నిర్ణయాలు ఇవే!

న్యూఢిల్లీ: భారత క్రికెట్ నియంత్రణ మండలి (BCCI) అధ్యక్ష పదవి నుంచి అనురాగ్ ఠాకూర్‌ను తొలగిస్తూ సుప్రీం ఆదేశాలు జారీ చేయడంతోపాటు లోధా కమిటీ సిఫార్సులను ఆమోదించింది. బీసీసీఐలో సభ్యుల ఎంపికపై సూచనలు ఇచ్చేందుకు ఇద్దరు న్యాయవాదులను సుప్రీంకోర్టు నియమించింది. తదుపరి విచారణను జనవరి 19కి వాయిదా వేసింది. బోర్డు సభ్యుల అర్హతలపై జనవరి 19న వెల్లడిస్తామని సుప్రీం తెలిపింది. దేశంలో క్రికెట్‌ ప్రక్షాళన కోసం లోధా కమిటీ 2016, జులై 18న సుప్రీంకోర్టుకు సంస్కరణల నివేదికను అందించింది.

70 ఏళ్ల వయస్సు పైబడిన వారు, రాజకీయ నేతలు క్రికెట్‌ సంఘాల్లోని ఏలాంటి పదవుల్లోనూ నియమించరాదనే కమిటీ సూచనలను బీసీసీఐ వ్యతిరేకించింది. నివేదిక కోర్టులో ఉండగానే అజయ్‌ శిర్కేను కార్యదర్శిగా నియమించింది. దీనిపై ఆగ్రహం వ్యక్తం చేసిన సుప్రీంకోర్టు జైలుకు వెళ్లాల్సి వస్తుందని అనురాగ్‌ను హెచ్చరించింది. సోమవారం ఈ కేసుపై విచారణ చేపట్టిన సుప్రీంకోర్టు బీసీసీఐ అధ్యక్షుడు అనురాగ్ ఠాకూర్, కార్యదర్శి అజయ్ శిర్కేలపై వేటు వేసింది. ఈ సందర్భంగా తీసుకున్న నిర్ణయాలు ఇవీ..