Suryakumar Yadav Pens Heartfelt Note For Wife Devisha Shetty On Her Birthday From New Zealand
SKY: నువ్వే నా ప్రపంచం.. సూర్యకుమార్ సినిమాటిక్ పోస్ట్, ఆమెతో పాటు ఫ్యాన్స్ ఫిదా
Suryakumar Yadav wife: టీ20 వరల్డ్‌కప్ టోర్నీ నుంచి భారత జట్టు నిరాశాజనకంగా నిష్క్రమించినా.. సూర్యకుమార్ యాదవ్ మాత్రం తన ఆటతీరుతో అభిమానుల మనసు గెలుచుకున్నాడు. తాజాగా తన భార్య పుట్టిన రోజు సందర్భంగా ఆమెకు కవితాత్మకంగా విషెస్ చెప్పి ఆకట్టుకున్నాడు. సూర్యకుమార్ యాదవ్, దేవీశా షెట్టి ప్రేమించి పెళ్లి చేసుకున్నారు. 2016 జూలై 17న వీరి వివాహం జరిగింది. 2012లో కాలేజీ రోజుల్లోనే వీరి మధ్య ప్రేమ చిగురించింది.
Authored byశ్రీనివాస్ గంగం | Samayam Telugu19 Nov 2022, 2:16 pm
టీ20 వరల్డ్‌కప్ టోర్నీ నుంచి భారత జట్టు నిరాశాజనకంగా నిష్క్రమించినా.. బ్యాట్స్‌మన్ సూర్యకుమార్ యాదవ్ మాత్రం తన 360 డిగ్రీస్ ఆటతీరుతో అభిమానుల మనసు గెలుచుకున్నాడు. తాజాగా తన భార్య పుట్టినరోజు సందర్భంగా ఆమెకు కవితాత్మకంగా విషెస్ చెప్పి ఆకట్టుకున్నాడు. సూర్యకుమార్ సతీమణి దేవీశా షెట్టి బర్త్‌డే నేడు (నవంబర్ 17). సూర్యకుమార్ ప్రస్తుతం న్యూజిలాండ్‌‌తో సిరీస్ నిమిత్తం అక్కడ ప్రాక్టీస్ చేస్తున్నాడు. కివీస్‌తో జరిగే మూడు టీ20లు, 3 వన్డేల సిరీస్‌లో ఆడనున్నాడు. ‘నువ్వే నా ప్రపంచం’ అంటూ ఇన్‌స్టాగ్రామ్‌లో తన భార్యకు పుట్టినరోజు శుభాకాంక్షలు తెలిపాడు.
Samayam Teluguసూర్యకుమార్, దేవీశా షెట్టి
సూర్యకుమార్, దేవీశా ప్రేమించి పెళ్లి చేసుకున్నారు. 2016 జూలై 17న వీరి వివాహం జరిగింది. 2012లో కాలేజీ రోజుల్లోనే వీరి మధ్య ప్రేమ చిగురించింది. వీరి ప్రేమ కథ కూడా సినిమాటిక్‌గానే ఉంటుంది. 2012లో 22 ఏళ్ల సూర్య క్లాస్‌రూమ్‌లో తక్కువ, గ్రౌండ్‌లో ఎక్కువగా గడిపేవాడు. అప్పటికే దేశవాళీ క్రికెట్‌లో రాణిస్తున్నాడు. కాలేజీ ఫ్రెషర్స్‌ డే రోజు దేవీశా (19)ను తొలిసారి చూశాడు. ఆ రోజు స్టేజీపై దేవీశా డాన్స్ చూసి తొలిచూపులోనే ప్రేమలో పడ్డాడు. ఆ తర్వాత కొన్ని రోజులకే గ్రౌండ్‌లో సూర్యకుమార్ ప్రతాపం చూసి దేవీశా ఫిదా అయ్యింది. ఇంకేం ఇద్దరి మనసులూ కలిశాయి.
‘హ్యాపీ బర్త్‌డే టూ మై బ్యూటీఫుల్‌ వైఫ్‌. నా ప్రపంచానికి నువ్వే కేంద్రం. నా సమస్యలన్నిటికీ నువ్వే పరిష్కారం. నన్ను ఎప్పుడూ మోటీవేట్ చేస్తావు. ఆట మీద దృష్టి పెట్టేలా చేస్తావు. నువ్వు లేకుండా నేను ఏమి చేయగలనో నిజంగా నాకు తెలియదు. నువ్వు భార్యగా దొరకడం నా అదృష్టం’ అని సూర్యకుమార్ పోస్టు చేశాడు. తన భార్యను క్లీన్‌బోల్డ్ చేశాడు.
View this post on Instagram A post shared by Surya Kumar Yadav (SKY) (@surya_14kumar)
సూర్యకుమార్ పోస్ట్‌ను చూసిన అభిమానులు దేవిశా షెట్టికి బర్త్‌డే విషెస్ చెబుతున్నారు. ‘బ్యూటీఫుల్‌ కపుల్‌.. ఎప్పటికీ ఇలానే సంతోషంగా ఉండాలి’ అంటూ కామెంట్లు పెడుతున్నారు.
ఇక భారత్‌, న్యూజిలాండ్ మధ్య తొలి టీ20 వెల్లింగ్టన్‌ వేదికగా శుక్రవారం (నవంబర్ 18) మధ్యాహ్నం 12 గంటలకు ప్రారంభం కానుంది.
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
