IND VS NZ TROLLS: కోహ్లీ.. ఏందిది.. చెత్త షాట్‌తో వికెట్ పారేసుకుంటావా..? పృథ్వీ షా బదులు రాహుల్ ను తీసుకోవాల్సింది.. టీమిండియాను ఆడుకుంటున్న నెటిజ‌న్లు
న్యూజిలాండ్‌తో జ‌రుగుతున్న తొలి టెస్టులో భారత్ పీక‌ల్లోతు క‌ష్టాల్లో ప‌డింది. శుక్ర‌వారం తొలిరోజు టాస్ ఓడి బ్యాటింగ్‌కు దిగిన భారత్.. టీ విరామానికి 122/5తో నిలిచింది. అనంత‌రం వ‌ర్షం ప్రారంభ‌మై ఎంత‌కు ఎడ‌తెగ‌క‌పోవ‌డంతో అంపైర్లు తొలిరోజు ఆట‌ను 55 ఓవ‌ర్ల వద్దే ముగించారు. అజింక్య ర‌హానే (38 బ్యాటింగ్) ఒంటరి పోరాటం చేశాడు. టాప్‌, మిడిలార్డ‌ర్ విఫ‌ల‌మైనవేళ విరోచితంగా పోరాడాడు. జ‌ట్టులో పృథ్వీ షా (16), చ‌టేశ్వ‌ర్ పుజారా (11), కెప్టెన్ విరాట్ కోహ్లీ (2), హ‌నుమ విహారి (7) ఘోరంగా విఫ‌ల‌మ‌య్యారు. మ‌రో ఓపెనర్ మ‌యాంక్ అగ‌ర్వాల్ (34) కాస్త ఫ‌ర్వాలేద‌నిపించాడు. అయితే భారత బ్యాటిండ్ ఆర్డర్ పేక‌మేడ‌ల కూల‌డంపై నెటిజ‌న్లు ఓ రేంజ్‌లో ట్రోలింగ్ చేస్తున్నారు. ఇక విదేశీగడ్డ‌పై బోల్తా కొట్ట‌డంపై సోష‌ల్ మీడియాలో పోస్టులు పెడుతున్నారు. భారత ఓపెనర్ రోహిత్ శర్మ ఉంటే బాగుండేదని పేర్కొంటున్నారు.
- 1/31
వ‌రుస‌గా విఫ‌ల‌మ‌వుతున్న కోహ్లీ..
(getty images)
న్యూజిలాండ్ టూర్ భారత కెప్టెన్ విరాట్ కోహ్లీ అనూహ్యంగా విఫ‌ల‌మ‌య్యాడు. నాలుగు టీ20 మ్యాచ్‌లాడిన కోహ్లీ.. 105 ప‌రుగులు చేశాడు. వ‌న్డే సిరీస్‌లో తొలి మ్యాచ్‌లో ఒక ఫిఫ్టీ త‌ప్ప మిగ‌తా మ్యాచ్‌ల్లో నిరాశ‌ప‌ర్చాడు. అయితే టెస్టు సిరీస్‌లో ఆకట్టుకుంటాడ‌ని భావించినా నిరాశ ఎదురైంది. వికెట్ల‌కు దూరంగా వెళుతున్న బంతిని నిర్ల‌క్ష్యంగా వేటాడ‌టంపై నెటిజ‌న్లు ట్రోల్ చేస్తున్నారు. ఏ గ‌డ్డ‌పైనైనా ప‌రుగుల వ‌రద పారించే కోహ్లీకి ఏమైంద‌ని ప్ర‌శ్నిస్తున్నారు. కేవ‌లం 2 ప‌రుగులకే వెనుదిరిగ‌డంపై అసంతృప్తి వ్య‌క్తం చేస్తున్నారు.
- 2/31
Twitter-Prajapati🇮🇳Indian
- 3/31
Twitter-Daddy Hundred 🏏
- 4/31
పృథ్వీ షా ఎందుకు..?
(getty images)
మ‌రోవైపు తొలి టెస్టులో పృథ్వీ షాను ఓపెన‌ర్‌గా తీసుకోవ‌డంపై నెటిజ‌న్లు పెద‌వి విరిచారు. మూడు వ‌న్డేల సిరీస్‌లో ఘోరంగా విఫ‌ల‌మైన షాను టెస్టు సిరీస్‌లోకి తీసుకుని త‌ప్పు చేశార‌ని వ్యాఖ్యానిస్తున్నారు. మాజీ కామెంటేట‌ర్ హ‌ర్షా బోగ్లే సైతం కివీస్ గ‌డ్డ‌పై షా కంటే రాహులే మెరుగైన ఆట‌గాడిని పేర్కొన్నాడు. ఇక వ‌రుస‌గా నాలుగు అవ‌కాశాలిచ్చిన షా మాత్రం వాటిని స‌ద్వినియోగం చేసుకోలేక‌పోయాడు. పేల‌వ‌రీతిలో ఔట‌య్యి, అభిమానుల ఆగ్ర‌హానికి గుర‌య్యాడు. ఈక్ర‌మంలో లిమిటెడ్ ఓవ‌ర్ల క్రికెట్ సిరీస్‌లో రాణించిన రాహుల్‌ను తీసుకుంటే బాగుండేదని వ్యాఖ్యానిస్తున్నారు.
- ఇలాంటి ఫొటోలు మరిన్ని చూడండిడౌన్‌లోడ్ యాప్
- 5/31
Twitter-dǝɐdपूल
-
- 6/31
Twitter-The Cricket Times
- 7/31
రహానేపై ప్ర‌శంస‌లు..
(getty images)
టాప్‌, మిడిలార్డ‌ర్ విఫ‌ల‌మైన వేళ భారత్ 122 ప‌రుగుల మార్కుకు చేరిందంటే అందులో ర‌హానే పోరాట‌మే కార‌ణ‌మ‌ని నెటిజ‌న్లు ప్ర‌శంసిస్తున్నారు. క‌ష్ట‌సాధ్య‌మైన పిచ్‌పై స‌హ‌నంతో బ్యాటింగ్ చేసిన ర‌హానేను చూసి ఫిదా అవుతున్నారు. తీవ్ర‌మైన ఒత్తిడి నెల‌కొన్న స్థితిలో త‌ను అద్భుతమైన టెక్నిక్‌తో ఆక‌ట్టుకున్నాడని అంటున్నారు. సిస‌లైన టెస్టు బ్యాట్స్‌మెన్ ఎలా ఉంటాడో ర‌హానె ద్వారా త‌న ఇన్నింగ్స్ ద్వారా చూపించాడ‌ని కొనియాడారు.
- 8/31
వ‌ర్షంతో ముగిసిన తొలిరోజు ఆట..
(getty images)
నిజానికి తొలిరోజు భారత్ను వ‌రుణుడు కాపాడు అన‌డంలో ఎలాంటి సందేహం లేదు. 55 ఓవ‌ర్లకు 122/5 తో నిలిచిన స్థితిలో టీ విరామానికి వెళ్లింది. ఈద‌శ‌లో వ‌ర్షం ప్రారంభ‌మై ఎంత‌కీ త‌గ్గ‌క‌పోవ‌డంతో మ్యాచ్ తొలిరోజును ముగిస్తున్న‌ట్లు అంపైర్లు ప్ర‌క‌టించారు. వ‌ర్షంతో తొలిరోజు ఆట‌లో 35 ఓవ‌ర్ల న‌ష్టం జ‌రిగింది. దీంతో శ‌నివారం రెండోరోజు మ్యాచ్‌ను 98 ఓవ‌ర్ల‌పాటు నిర్వ‌హిస్తారు. చివ‌రి సెష‌న్‌లో ఎక్కువ‌గా ఓవ‌ర్ల‌ను వేయించ‌నున్న‌ట్లు తెలుస్తోంది.
- 9/31
వారెవా టేలర్..
(getty images)
క్రికెట్ చరిత్రలో స‌రికొత్త అధ్య‌యానికి న్యూజిలాండ్ బ్యాట్స్‌మన్ రాస్ టేలర్ శ్రీకారం చుట్టాడు. టెస్టులు, వ‌న్డేలు, టీ20లు ఇలా మూడు ఫార్మాట్ల‌లో క‌లిపి వంద చొప్పున మ్యాచ్‌లాడిన ఏకైక క్రికెట‌ర్‌గా టేలర్ రికార్డుల‌కెక్కాడు. ద‌శ‌బ్ధాల క్రికెట్ చరిత్రలో.. ఈ ఘ‌నత సాధించిన తొలి క్రికెట‌ర్‌గా టేలర్ నిల‌వ‌డం విశేషం. భార‌త్‌తో ఇటీవ‌లే జరిగిన ఐదు టీ20ల సిరీస్‌లో 100 టీ20 మ్యాచ్‌ల‌ను పూర్తి చేసుకున్న టేలర్.. తాజాగా రెండు టెస్టుల సిరీస్‌లో భాగంగా జ‌రుగుతున్న తొలి టెస్టులో వందో టెస్టు మైలురాయిని చేరుకున్నాడు. 14 ఏళ్ల టేలర్ కెరీర్‌లో 100 టెస్టులు, 231 వ‌న్డేలు, 100 టీ20ల‌ను ఆడాడు. తాజా మ్యాచ్‌కు త‌న ఫ్యామిలీతో క‌లిసి టేలర్ హాజ‌ర‌య్యాడు. రాస్ ఘ‌న‌త‌పై నెటిజ‌న్లు ఆనందం వ్య‌క్తం చేస్తున్నారు. సోష‌ల్ మీడియాలో వివిధ ర‌కాలైన పోస్టుల‌తో శుభాకాంక్ష‌లు చెప్పారు.
- 10/31
ఆకట్టుకున్న జెమీసన్..
(getty images)
ఈ మ్యాచ్‌లో అరంగేట్రం చేసిన కివీస్ పేస‌ర్ కైలీ జెమీసన్ స‌త్తాచాటాడు. ఎంతో అనుభ‌వ‌మున్న భారత టాప్‌, మిడిలార్డ‌ర్ బ్యాట్స్‌మెన్‌ను ముప్పు తిప్ప‌లు పెట్టాడు. ముఖ్యంగా పుజారా, కోహ్లీ, విహారీల‌ను ఔట్ చేసిన విధానంపై సోష‌ల్ మీడియాలో ప్ర‌శంస‌లు ద‌క్కుతున్నాయి. మూడు వికెట్ల‌తో త‌ను భారత్ను దెబ్బ‌తీశాడ‌ని కివీస్ ఫ్యాన్స్ ఆనందిస్తున్నారు. గ‌తంలో భార‌త్‌పై అరంగేట్రం చేసిన బౌల‌ర్లు కూడా స‌త్తాచాటార‌ని ఈ సంద‌ర్బంగా పోస్టులు చేస్తున్నారు. ఫ్రాంక్లిన్ రోజ్‌, జేస‌న్ క్రెజా.. భార‌త్‌పై డెబ్యూ చేసి ఆకట్టుకున్న విధానాన్ని గుర్తు చేసుకున్నారు.
- 11/31
Twitter-Sᴀɴᴊᴀʏ Sᴏʟᴀɴᴋᴇ 🌐
- 12/31
Twitter-Mohandas Menon
- 13/31
Twitter-Crickhel
- 14/31
Twitter-Krishnan
- 15/31
Twitter-AN
- 16/31
Twitter-Kushagra
- 17/31
Twitter-Ashish Ram
- 18/31
Twitter-ᴍᴀʜɪ✨🖤
- 19/31
Twitter-Sir Yuzvendra (parody)
- 20/31
Twitter-Tweetera🐦
- 21/31
Twitter-Mohandas Menon
- 22/31
Twitter-Adarsh Pratap Singh
- 23/31
Twitter-Kush Dedhia Mufc
- 24/31
Twitter-Arteta FC
- 25/31
Twitter-movieman
- 26/31
Twitter-Aap Ki Khabar
- 27/31
Twitter-Sportzwiki
- 28/31
Twitter-THE UPDATE NEWS
- 29/31
Twitter-Sнєяℓσ¢к Hσℓмєѕ
- 30/31
Twitter-Sowmiya
- 31/31
Twitter-Omesh kasat