భారత క్రికెట్పై ఓపెనర్లుగా చెరగని ముద్రవేసిన సచిన్ టెండూల్కర్, వీరేంద్ర సెహ్వాగ్ జోడీ.. మళ్లీ మైదానంలో అడుగుపెట్టింది. రిటైర్మెంట్ ప్రకటించి ఏళ్లు గడుస్తున్నా.. తమ బ్యాటింగ్లో జోరు ఏమాత్రం తగ్గలేదని నిరూపిస్తూ ఈ ఓపెనింగ్ జోడీ టీమ్కి అలవోక విజయాన్ని అందించింది. రోడ్డు సేప్టీపై అవగాహన పెంచేందుకు నిధుల సేకరణలో భాగంగా మహారాష్ట్ర గవర్నమెంట్ టీ20 వరల్డ్ సిరీస్ని నిర్వహిస్తుండగా.. ఇండియా లెజెండ్స్ టీమ్ తరఫున సచిన్, సెహ్వాగ్ ఓపెనర్లుగా ఆడి అభిమానుల్ని అలరించారు. వాంఖడే స్టేడియం వేదికగా జరిగిన తొలి మ్యాచ్లోనే వీరేంద్ర సెహ్వాగ్ (74: 57 బంతుల్లో 11x4) హాఫ్ సెంచరీతో చెలరేగగా.. సచిన్ టెండూల్కర్ (36: 29 బంతుల్లో 7x4) తన మార్క్ షాట్స్తో ఫ్యాన్స్ని మంత్రముగ్దుల్ని చేశాడు. ఈ మ్యాచ్లో ఇండియా లెజెండ్స్ టీమ్ 7 వికెట్ల తేడాతో విజయాన్ని అందుకుంది. మ్యాచ్లో సచిన్, సెహ్వాగ్తో పాటు యువరాజ్ సింగ్, మునాఫ్ పటేల్, మహ్మద్ కైఫ్, ఇర్ఫాన్ పఠాన్ తదితరులు ఆడారు.
Samayam Telugu8 Mar 2020, 4:04 pm
భారత క్రికెట్పై ఓపెనర్లుగా చెరగని ముద్రవేసిన సచిన్ టెండూల్కర్, వీరేంద్ర సెహ్వాగ్ జోడీ.. మళ్లీ మైదానంలో అడుగుపెట్టింది. రిటైర్మెంట్ ప్రకటించి ఏళ్లు గడుస్తున్నా.. తమ బ్యాటింగ్లో జోరు ఏమాత్రం తగ్గలేదని నిరూపిస్తూ ఈ ఓపెనింగ్ జోడీ టీమ్కి అలవోక విజయాన్ని అందించింది. రోడ్డు సేప్టీపై అవగాహన పెంచేందుకు నిధుల సేకరణలో భాగంగా మహారాష్ట్ర గవర్నమెంట్ టీ20 వరల్డ్ సిరీస్ని నిర్వహిస్తుండగా.. ఇండియా లెజెండ్స్ టీమ్ తరఫున సచిన్, సెహ్వాగ్ ఓపెనర్లుగా ఆడి అభిమానుల్ని అలరించారు. వాంఖడే స్టేడియం వేదికగా జరిగిన తొలి మ్యాచ్లోనే వీరేంద్ర సెహ్వాగ్ (74: 57 బంతుల్లో 11x4) హాఫ్ సెంచరీతో చెలరేగగా.. సచిన్ టెండూల్కర్ (36: 29 బంతుల్లో 7x4) తన మార్క్ షాట్స్తో ఫ్యాన్స్ని మంత్రముగ్దుల్ని చేశాడు. ఈ మ్యాచ్లో ఇండియా లెజెండ్స్ టీమ్ 7 వికెట్ల తేడాతో విజయాన్ని అందుకుంది. మ్యాచ్లో సచిన్, సెహ్వాగ్తో పాటు యువరాజ్ సింగ్, మునాఫ్ పటేల్, మహ్మద్ కైఫ్, ఇర్ఫాన్ పఠాన్ తదితరులు ఆడారు.
Twitter-Blank
ఫస్ట్ మ్యాచ్లోనే సచిన్- సెహ్వాగ్ అదుర్స్
వాంఖడేలో జరిగిన తొలి మ్యాచ్లో టాస్ గెలిచిన భారత్ లెజెండ్స్ టీమ్ కెప్టెన్ సచిన్ టెండూల్కర్ ఫీల్డింగ్ ఎంచుకున్నాడు. దీంతో.. తొలుత బ్యాటింగ్ చేసిన వెస్టిండీస్ లెజెండ్స్ టీమ్ నిర్ణీత 20 ఓవర్లలో 8 వికెట్ల నష్టానికి 150 పరుగులు చేసింది. ఆ జట్టులో ఓపెనర్ చందర్పాల్ (61: 41 బంతుల్లో 6x4, 2x6) హాఫ్ సెంచరీ నమోదు చేశాడు. బ్రియాన్ లారా (17: 15 బంతుల్లో 4x4) నిరాశపరిచాడు. ఛేదనలో తొలి వికెట్కి 10.2 ఓవర్లలోనే 83 పరుగుల భాగస్వామ్యం నెలకొల్పిన సచిన్- సెహ్వాగ్ జోడీ.. వరుస బౌండరీలతో అభిమానుల్ని అలరించింది. ముఖ్యంగా.. సచిన్ టెండూల్కర్ తన ట్రేడ్ మార్క్ షాట్లతో ప్రత్యర్థి బౌలర్ల లయని దెబ్బతీయగా.. సెహ్వాగ్ ఆరంభం నుంచే దూకుడుగా ఆడేశాడు. దీంతో.. 18.2 ఓవర్లలోనే ఇండియా లెజెండ్స్ టీమ్ 151/3తో విజయాన్ని అందుకుంది.
Twitter-Mohit Rai
అసలు ఈ సిరీస్ కథేంటి..?
దేశంలో రోడ్డు ప్రమాదాలు పెరుగుతున్న నేపథ్యంలో.. మహారాష్ట్ర ప్రభుత్వం చొరవ తీసుకుని వాహనదారులు, ప్రజల్లో అవగాహన పెంచాలని నిర్ణయం తీసుకుంది. ఈ క్రమంలో ఫండ్స్ సేకరణ కోసం ఐదు దేశాల మాజీ క్రికెటర్లతో ఈ రోడ్ సేప్టీ వరల్డ్ టీ20 సిరీస్ని నిర్వహిస్తోంది. భారత్ నుంచి ఇండియా లెజెండ్స్ టీమ్ తరహాలోనే ఆస్ట్రేలియా లెజెండ్స్, శ్రీలంక లెజెండ్స్, వెస్టిండీస్ లెజెండ్స్, దక్షిణాఫ్రికా లెజెండ్స్ రూపంలో మొత్తం ఐదు జట్లు టోర్నీలో ఆడుతున్నాయి. షెడ్యూల్ ప్రకారం మ్యాచ్లన్నీ ముంబయి, పుణెలో.. మార్చి 7 నుంచి 22 వరకూ రాత్రి 7 గంటలకి జరగనున్నాయి.
Twitter-Dis Page Vll Entertain U
వీరేంద్ర సెహ్వాగ్లో అదే తెగింపు..!
వీరేంద్ర సెహ్వాగ్ దూకుడుకి మారుపేరుగా పిలుస్తారు. మ్యాచ్ ఎలాంటి స్థితిలో ఉన్నా.. ప్రత్యర్థి ఎవరైనా బెరుకు లేకుండా హిట్టింగ్ చేయడంలో సెహ్వాగ్ తర్వాత ఎవరైనా అనడం అతిశయోక్తి కాదేమో..! 2013లో చివరిగా అంతర్జాతీయ మ్యాచ్ ఆడిన వీరేంద్ర సెహ్వాగ్.. ఈ మ్యాచ్లో ఆఖరి వరకూ టాప్ గేర్లోనే కొనసాగాడు. బంతి ఏమాత్రం గతి తప్పినా.. దాన్ని బౌండరీకి తరలించిన సెహ్వాగ్ ఇన్నింగ్స్లో 11 ఫోర్లు ఉన్నాయి. సెహ్వాగ్ దెబ్బకి ఆరంభంలోనే వెస్టిండీస్ లెజెండ్స్ బౌలర్లు చేతులెత్తేశారు. గెలిపించే ఇన్నింగ్స్ ఆడిన సెహ్వాగ్కి మ్యాన్ ఆఫ్ ద మ్యాచ్ అవార్డు లభించింది.
Twitter-Yateendra
సచిన్ షాట్ చూడతరమా..?
మ్యాచ్లో వెస్టిండీస్ లెజెండ్స్ టీమ్ స్పిన్నర్ సులేమాన్ బెన్ బౌలింగ్లో సచిన్ టెండూల్కర్ కొట్టిన ఫోర్ హైలైట్గా నిలిచింది. శరీరంపైకి వచ్చిన బంతిని కొద్దిగా వెనక్కి వంగుతూ వికెట్ కీపర్ పక్క నుంచి బౌండరీకి తరలించిన తీరు అందర్నీ ఆశ్చర్యపరిచింది. 2013లో అంతర్జాతీయ క్రికెట్కి రిటైర్మెంట్ ప్రకటించిన సచిన్ ఆ తర్వాత రెగ్యులర్గా మ్యాచ్లు ఆడింది లేదు. కానీ.. తొలి మ్యాచ్లోనే బంతిని మునుపటి తరహాలో చక్కగా బ్యాట్కి మిడిల్ చేయడంతో దిగ్గజ క్రికెటర్పై అభిమానులు ప్రశంసల వర్షం కురిపిస్తున్నారు. క్లాస్.. ఎప్పటికైనా క్లాస్ అంటూ కితాబిస్తున్నారు. సచిన్ ఈ ఫోర్ కొట్టిన సమయంలో వాంఖడే స్టేడియం చప్పట్లు, కేరింతలతో దద్దరిల్లింది.
Twitter-Amit Mahajan
యువరాజ్ సింగ్ సిక్స్.. గురి తప్పలేదు
టీమిండియా మాజీ ఆల్రౌండర్ యువరాజ్ సింగ్ తొలుత తన మెరుపు ఫీల్డింగ్తో.. ఆ తర్వాత కళ్లు చెదిరే సిక్స్తో అభిమానుల్ని అలరించాడు. ఇటీవల అబుదాబి టీ10 లీగ్లో ఆడిన యువరాజ్ సింగ్.. వెస్టిండీస్ లెజెండ్స్ టీమ్పై అద్భుత ఫీల్డింగ్ ప్రదర్శన కనబర్చాడు. బంతిని అందుకుని డైరెక్ట్గా వికెట్లపైకి విసిరిన యువీ.. బ్యాటింగ్లో ఏడు బంతులు ఎదుర్కొని ఓ చూడచక్కని సిక్స్ బాదాడు. ఇండియా లెజెండ్స్ టీమ్ విజయానికి 18 బంతుల్లో 22 పరుగులు చేయాల్సిన దశలో.. స్పిన్నర్ ఆఫ్ స్టంప్కి వెలుపలగా ఊరిస్తూ విసిరిన బంతిని చిన్నపాటి పాదాల కదలికలతో యువరాజ్ సింగ్ లాంగాఫ్ దిశగా స్టాండ్స్లోకి తరలించేశాడు.
జహీర్, మునాఫ్, ఓజా రెండేసి వికెట్లు
మ్యాచ్లో ఇండియా లెజెండ్స్ టీమ్ బౌలింగ్ విభాగాన్ని జహీర్ ఖాన్ నడిపించాడు. 4 ఓవర్లు వేసిన జహీర్ 30 పరుగులిచ్చి రెండు వికెట్లు పడగొట్టగా.. మునాఫ్ పటేల్ 24 పరుగులిచ్చి 2 వికెట్లు, ఓజా 27 రన్స్ ఇచ్చి రెండు వికెట్లు తీశాడు. ఇక ఇర్ఫాన్ పఠాన్ 2 ఓవర్లు వేసి 21 పరుగులు సమర్పించుకుని ఒక వికెట్ మాత్రమే తీయగలిగాడు. యువీకి ఒక ఓవర్ బౌలింగ్ అవకాశంరాగా.. 10 పరుగులిచ్చేశాడు. దీంతో.. కెప్టెన్ సచిన్ మళ్లీ అతని చేతికి బంతినిచ్చే సాహసం చేయలేదు.
Twitter-Dis Page Vll Entertain U
ఇండియా లెజెండ్స్ టీమ్, షెడ్యూల్
ఇండియా లెజెండ్స్ టీమ్కి సచిన్ టెండూల్కర్ కెప్టెన్గా వ్యవహరిస్తుండగా.. వీరేంద్ర సెహ్వాగ్, మహ్మద్ కైఫ్, సమీర్ డిగ్గే (వికెట్ కీపర్), యువరాజ్ సింగ్, ఇర్ఫాన్ పఠాన్, జహీర్ ఖాన్, మునాఫ్ పటేల్, ప్రగ్యాన్ ఓజా, సాయిరాజ్, మన్ప్రీత్, సంజయ్ బంగర్, అబే కురువిల్లా టీమ్లో ఉన్నారు. ఇక టోర్నీ షెడ్యూల్ పరంగా చూసుకుంటే.. ఇప్పటికే వెస్టిండీస్ లెజెండ్స్ టీమ్తో ఆడిన ఇండియా లెజెండ్స్ తర్వాత మ్యాచ్ల్ని శ్రీలంక లెజెండ్స్ (మార్చి 10), దక్షిణాఫ్రికా లెజెండ్స్ (మార్చి 14), ఆస్ట్రేలియా లెజెండ్స్ (మార్చి 20)తో ఆడనుంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.