గెలిపించే ఇన్నింగ్స్ ఆడిన రోహిత్ శర్మకి మ్యాన్ ఆఫ్ ద మ్యాచ్ అవార్డు లభించింది.
Twitter-aK™
మ్యాచ్ని ఫోర్తో మొదలెట్టి.. సిక్స్తో ముగించిన రోహిత్
మ్యాచ్లో టాస్ గెలిచిన కివీస్ ఫీల్డింగ్ ఎంచుకోగా.. రోహిత్ శర్మ (65: 40 బంతుల్లో 6x4, 3x6) హాఫ్ సెంచరీ బాదడంతో టీమిండియా 5 వికెట్ల నష్టానికి 179 పరుగులు చేయగలిగింది. తొలి ఓవర్లోనే టిమ్ సౌథీ బౌలింగ్లో ఫోర్తో భారత్ స్కోరు ఖాతా తెరిచిన రోహిత్ శర్మ.. ఔటయ్యే వరకూ టాప్గేర్లోనే కొనసాగాడు. ఆ తర్వాత సూపర్ ఓవర్లోనూ టిమ్ సౌథీ బౌలింగ్లో సిక్స్తోనే మ్యాచ్ని గెలుపుగా రోహిత్ శర్మ ముగించడం గమనార్హం. దీంతో.. న్యూజిలాండ్ బౌలర్లూ.. ఇంట్లో చెప్పొచ్చారా..? అంటూ సోషల్ మీడియాలో అభిమానులు సెటైర్లు పేలుస్తున్నారు.
Read More: 3rd T20లో కివీస్ గెలవాల్సింది.. కానీ..?: కోహ్లీ
Twitter-Murali
కేన్ విలియమ్సన్ పోరాటం వృథా
లక్ష్య ఛేదనలో కివీస్ కెప్టెన్ కేన్ విలియమ్సన్ (95: 48 బంతుల్లో 8x4, 6x6) ఆఖరి ఓవర్ వరకూ ఒంటరి పోరాటం చేశాడు. ఠాకూర్, జడేజా బౌలింగ్లో సిక్సర్లు బాదిన విలియమ్సన్.. బుమ్రా, షమీ బౌలింగ్లో జాగ్రత్తగా ఆడుతూనే ఫోర్లు కొట్టేశాడు. దీంతో.. కివీస్ గెలిచేలా కనిపించింది. కానీ.. న్యూజిలాండ్ విజయానికి చివరి 6 బంతుల్లో 9 పరుగులు అవసరంకాగా.. అద్భుతంగా బౌలింగ్ చేసిన షమీ.. 8 పరుగులిచ్చి విలియమ్సన్, టేలర్ వికెట్లు పడగొట్టాడు. దీంతో.. కివీస్ 179/6కే పరిమితమవగా.. సూపర్ ఓవర్ అనివార్యమైంది.
Read More: సూపర్ ఓవర్ ముంగిట గార్డ్ కోసం 5 నిమిషాలు రోహిత్ వెతుకులాట..!
Twitter-Vinayshetty
సూపర్ ఓవర్లోనూ రోహిత్ బాదుడే
సూపర్ ఓవర్లో బుమ్రాని భారత్ బౌలింగ్కి దింపగా.. విలియమ్సన్, మార్టిన్ గప్తిల్ బ్యాటింగ్కి వచ్చారు. దీంతో.. ఆ ఓవర్లో కివీస్ 17 పరుగులు రాబట్టగా.. లక్ష్యఛేదనలో రోహిత్ శర్మ, రాహుల్ ముందు టిమ్ సౌథీ తేలిపోయాడు. సూపర్ ఓవర్లో రాహుల్ ఒక ఫోర్ కొట్టగా.. రోహిత్ శర్మ చివరి రెండు బంతుల్నీ సిక్సర్లుగా మలిచేశాడు. మొత్తంగా.. టిమ్ సౌథీ మరోసారి రోహిత్ శర్మ హిట్టింగ్కి బలైపోయాడు.
Read More: సూపర్ ఓవర్లో రోహిత్ వ్యూహం ఫలించిన వేళ..!
Twitter-The-Lying-Lama 2.0
సూపర్ ఓవర్ కివీస్కి కలిసిరాదా..?
గత ఏడాది వన్డే ప్రపంచకప్ ఫైనల్లో ఇంగ్లాండ్తో సూపర్ ఓవర్లో తలపడిన కివీస్ కొద్దిలో కప్ని చేజార్చుకుంది. తాజా మ్యాచ్లోనూ ఏకంగా 17 పరుగులు చేసినా.. ఆ జట్టుకి ఓటమి తప్పలేదు. దీంతో.. ఆ జట్టుకి సూపర్ ఓవర్ కలిసిరావడం లేదంటూ అభిమానులు సెటైర్లు పేలుస్తున్నారు.
Read More: బుమ్రా ఏంటిది..? సూపర్ ఓవర్లో ఫెయిల్