హర్భజన్ బౌలింగ్ యాక్షన్ని దించేసిన బాలిక
హర్భజన్ సింగ్ బౌలింగ్ యాక్షన్ చాలా భిన్నంగా ఉంటుంది. తేలికపాటి రన్నప్తో బౌలింగ్ చేసే భజ్జీ.. ఎన్నో మ్యాచ్ల్లో భారత్ జట్టుకి విజయాల్ని అందించాడు. తాజాగా ఓ బాలిక అతని బౌలింగ్ యాక్షన్కి అచ్చంగా అలానే దించేసింది.
Samayam Telugu 24 Oct 2019, 3:57 pm
ప్రధానాంశాలు:
- భారత్ జట్టుకి 2016 నుంచి దూరంగా ఉంటున్న హర్భజన్ సింగ్
- భజ్జీ బౌలింగ్ యాక్షన్కి దించేసిన బాలిక
- వీడియోని షేర్ చేసిన మాజీ క్రికెటర్ ఆకాశ్ చోప్రా
- క్రికెట్ కామెంటేటర్గా అభిమానుల్ని అలరిస్తున్న హర్భజన్ సింగ్
భారత వెటరన్ ఆఫ్ స్పిన్నర్ హర్భజన్ సింగ్ గత మూడేళ్లుగా టీమిండియాకి దూరంగా ఉంటున్నా.. తన చమత్కార క్రికెట్ కామెంట్రీతో అభిమానుల్ని అలరిస్తూనే ఉన్నాడు. ఇటీవల భారత్, దక్షిణాఫ్రికా మధ్య ముగిసిన సుదీర్ఘ సిరీస్కి ఆకాశ్ చోప్రాతో కలిసి హిందీ కామెంటేటర్గా భజ్జీ పనిచేసిన విషయం తెలిసిందే. తాజాగా హర్భజన్ బౌలింగ్ యాక్షన్ని తలపిస్తూ ఓ బాలిక బౌలింగ్ చేస్తున్న వీడియోని ఆకాశ్ చోప్రా అభిమానులతో పంచుకున్నాడు. ఆమెకి హర్భజన్ సింగ్ స్ఫూర్తిగా చెప్పుకొచ్చిన ఆకాశ్.. దేశంలోని చాలా మంది యువ స్పిన్నర్లకి కూడా అతను స్ఫూర్తి ప్రదాత అని అభివర్ణించాడు. ఈ వీడియో ఇప్పుడు సోషల్ మీడియాలో వైరల్గా మారింది. కానీ.. బాలిక వివరాలు మాత్రం తెలియరాలేదు.
భారత్ తరఫున 103 టెస్టులాడిన హర్భజన్ సింగ్ 417 వికెట్లు పడగొట్టాడు. అలానే 236 వన్డేల్లో 269 వికెట్లు, 28 టీ20ల్లో 25 వికెట్లు తీశాడు. టీమిండియా తరఫున ఆఖరిగా 2016, మార్చిలో యూఏఈపై మ్యాచ్ ఆడిన భజ్జీ.. ఆ తర్వాత మళ్లీ జట్టులోకి పునరాగమనం చేయలేకపోయాడు.
కానీ.. ఏటా ఐపీఎల్లో మాత్రం ఆడుతూ అభిమానుల్ని అలరిస్తున్నాడు. సుదీర్ఘకాలం ముంబయి ఇండియన్స్కి ఆడిన భజ్జీ.. గత ఏడాది నుంచి చెన్నై సూపర్ కింగ్స్ తరఫున సత్తాచాటుతున్న విషయం తెలిసిందే. భారత క్రికెట్లో జరిగే చర్చల్లో చురుగ్గా పాల్గొనే హర్భజన్.. ముక్కుసూటిగా తన అభిప్రాయాలు చెప్తుంటాడు.
భారత్ తరఫున 103 టెస్టులాడిన హర్భజన్ సింగ్ 417 వికెట్లు పడగొట్టాడు. అలానే 236 వన్డేల్లో 269 వికెట్లు, 28 టీ20ల్లో 25 వికెట్లు తీశాడు. టీమిండియా తరఫున ఆఖరిగా 2016, మార్చిలో యూఏఈపై మ్యాచ్ ఆడిన భజ్జీ.. ఆ తర్వాత మళ్లీ జట్టులోకి పునరాగమనం చేయలేకపోయాడు.
కానీ.. ఏటా ఐపీఎల్లో మాత్రం ఆడుతూ అభిమానుల్ని అలరిస్తున్నాడు. సుదీర్ఘకాలం ముంబయి ఇండియన్స్కి ఆడిన భజ్జీ.. గత ఏడాది నుంచి చెన్నై సూపర్ కింగ్స్ తరఫున సత్తాచాటుతున్న విషయం తెలిసిందే. భారత క్రికెట్లో జరిగే చర్చల్లో చురుగ్గా పాల్గొనే హర్భజన్.. ముక్కుసూటిగా తన అభిప్రాయాలు చెప్తుంటాడు.