దక్షిణాఫ్రికా గడ్డపై పరుగుల వరద పారిస్తూ ఏళ్లనాటి రికార్డుల బూజు దులుపుతున్న భారత కెప్టెన్ విరాట్ కోహ్లి.. మరో అరుదైన ఘనత అందుకున్నాడు. ఐసీసీ మంగళవారం ప్రకటించిన వన్డే బెస్ట్ రేటింగ్స్ జాబితాలో 909 పాయింట్లతో ఏడో స్థానానికి ఎగబాకిన విరాట్ కోహ్లి.. 27 ఏళ్ల తర్వాత మళ్లీ వన్డేల్లో 900పైచిలుకు పాయింట్లు అందుకున్న ఏకైక క్రికెటర్గా రికార్డు నెలకొల్పాడు. ఈ జాబితాలో 1991లో చివరిసారిగా ఆస్ట్రేలియా బ్యాట్స్మెన్ డీన్ జోన్స్ 918 పాయింట్లతో మెరిశాడు. ఆ తర్వాత.. ఎవరూ వన్డేల్లో ఆ స్థాయి ప్రదర్శనని చేయలేకపోయారు. తాజాగా దక్షిణాఫ్రికా గడ్డపై జరుగుతున్న సుదీర్ఘ సిరీస్లో నాలుగు శతకాలు, రెండు అర్ధశతకాలు సాధించిన కోహ్లి 870 పరుగులతో సత్తాచాటిన విషయం తెలిసిందే.
వన్డే బెస్ట్ రేటింగ్ పాయింట్స్ అందుకున్న విరాట్ కోహ్లి ముంగిట మరో అరుదైన రికార్డు కూడా నిలిచి ఉంది. ఓ విదేశీ పర్యటనలో ఇప్పటి వరకు ఎక్కువ పరుగులు చేసిన బ్యాట్స్మెన్ జాబితాలో విండీస్ దిగ్గజం వివియన్ రిచర్డ్స్ అగ్రస్థానంలో కొనసాగుతుండగా.. అతడ్ని అధిగమించే అవకాశం కోహ్లికి ఉంది. 1976లో ఇంగ్లాండ్ పర్యటనలో రిచర్డ్స్ మొత్తం 1045 పరుగులు చేయగా.. తాజాగా దక్షిణాఫ్రికా పర్యటనలో కోహ్లి 286 పరుగులు టెస్టుల్లో.. 558 పరుగులు వన్డేల్లో, 26 పరుగులు టీ20 మ్యాచ్ ద్వారా సాధించి మొత్తంగా 870 పరుగులు చేశాడు. ఇంకా రెండు టీ20 మ్యాచ్లు మిగిలి ఉన్న నేపథ్యంలో.. కోహ్లి మరో 130 పరుగులు చేయగలిగితే.. 1000 పరుగుల మార్క్ అందుకున్న రెండో క్రికెటర్, రిచర్డ్స్ తర్వాత ఆ ఘనత అందుకున్న బ్యాట్స్మెన్గా రికార్డుల్లో నిలవనున్నాడు.
వన్డే బెస్ట్ రేటింగ్ పాయింట్స్ అందుకున్న విరాట్ కోహ్లి ముంగిట మరో అరుదైన రికార్డు కూడా నిలిచి ఉంది. ఓ విదేశీ పర్యటనలో ఇప్పటి వరకు ఎక్కువ పరుగులు చేసిన బ్యాట్స్మెన్ జాబితాలో విండీస్ దిగ్గజం వివియన్ రిచర్డ్స్ అగ్రస్థానంలో కొనసాగుతుండగా.. అతడ్ని అధిగమించే అవకాశం కోహ్లికి ఉంది. 1976లో ఇంగ్లాండ్ పర్యటనలో రిచర్డ్స్ మొత్తం 1045 పరుగులు చేయగా.. తాజాగా దక్షిణాఫ్రికా పర్యటనలో కోహ్లి 286 పరుగులు టెస్టుల్లో.. 558 పరుగులు వన్డేల్లో, 26 పరుగులు టీ20 మ్యాచ్ ద్వారా సాధించి మొత్తంగా 870 పరుగులు చేశాడు. ఇంకా రెండు టీ20 మ్యాచ్లు మిగిలి ఉన్న నేపథ్యంలో.. కోహ్లి మరో 130 పరుగులు చేయగలిగితే.. 1000 పరుగుల మార్క్ అందుకున్న రెండో క్రికెటర్, రిచర్డ్స్ తర్వాత ఆ ఘనత అందుకున్న బ్యాట్స్మెన్గా రికార్డుల్లో నిలవనున్నాడు.