IND vs AUS: విరాట్ కోహ్లీ దెబ్బకి.. సచిన్, లారా రికార్డ్స్ బ్రేక్
ఆస్ట్రేలియాపై ఆదివారం జరిగిన రెండో వన్డేలో శతకం సాధించేలా కనిపించిన విరాట్ కోహ్లీ.. 89 పరుగుల వద్దే ఔటయ్యాడు. అయినప్పటికీ.. అరుదైన రికార్డ్ అతని సొంతమైంది.
Samayam Telugu 29 Nov 2020, 8:58 pm
ఆస్ట్రేలియా గడ్డపై టీమిండియా కెప్టెన్ విరాట్ కోహ్లీ అరుదైన మైలురాయిని అందుకున్నాడు. సిడ్నీ వేదికగా ఆదివారం జరిగిన రెండో వన్డేలో విరాట్ కోహ్లీ (89: 87 బంతుల్లో 7x4, 2x6) బాధ్యతాయుత ఇన్నింగ్స్ ఆడినా.. భారత్ జట్టుని గెలిపించలేకపోయాడు. అయితే.. అంతర్జాతీయ క్రికెట్లో వేగంగా 22,000 పరుగుల మైలురాయిని అందుకున్న బ్యాట్స్మెన్గా మాత్రం రికార్డుల్లో నెం.1 స్థానంలో నిలిచాడు. క్రికెటర్గా కోహ్లీకి ఇది 250వ వన్డే కావడం విశేషం.
ఇంటర్నేషనల్ క్రికెట్లో విరాట్ కోహ్లీ కేవలం 462 ఇన్నింగ్స్ల్లోనే 22వేల పరుగుల మైలురాయిని అందుకోగా.. ఆదివారం వరకూ దిగ్గజ క్రికెటర్ సచిన్ టెండూల్కర్ 493 ఇన్నింగ్స్లతో అగ్రస్థానంలో ఉన్నాడు. తాజాగా సచిన్ టెండూల్కర్ని విరాట్ కోహ్లీ రెండో స్థానానికి నెట్టగా.. బ్రియాన్ లారా (511 ఇన్నింగ్స్లు), రిక్కీ పాంటింగ్ (514) టాప్-4లో కొనసాగుతున్నారు.
వన్డేల్లో 241 ఇన్నింగ్స్ల్లో 11,977 పరుగులు చేసిన విరాట్ కోహ్లీ.. 145 టెస్టు ఇన్నింగ్స్ల్లో 7,240 రన్స్ చేశాడు. అలానే 76 టీ20 ఇన్నింగ్స్ల్లో 2,794 పరుగులు చేశాడు. మొత్తంగా.. ఇందులో 70 సెంచరీలు ఉండగా.. భారత్, ఆస్ట్రేలియా మధ్య మూడో వన్డే బుధవారం జరగనుంది.
ఇంటర్నేషనల్ క్రికెట్లో విరాట్ కోహ్లీ కేవలం 462 ఇన్నింగ్స్ల్లోనే 22వేల పరుగుల మైలురాయిని అందుకోగా.. ఆదివారం వరకూ దిగ్గజ క్రికెటర్ సచిన్ టెండూల్కర్ 493 ఇన్నింగ్స్లతో అగ్రస్థానంలో ఉన్నాడు. తాజాగా సచిన్ టెండూల్కర్ని విరాట్ కోహ్లీ రెండో స్థానానికి నెట్టగా.. బ్రియాన్ లారా (511 ఇన్నింగ్స్లు), రిక్కీ పాంటింగ్ (514) టాప్-4లో కొనసాగుతున్నారు.
వన్డేల్లో 241 ఇన్నింగ్స్ల్లో 11,977 పరుగులు చేసిన విరాట్ కోహ్లీ.. 145 టెస్టు ఇన్నింగ్స్ల్లో 7,240 రన్స్ చేశాడు. అలానే 76 టీ20 ఇన్నింగ్స్ల్లో 2,794 పరుగులు చేశాడు. మొత్తంగా.. ఇందులో 70 సెంచరీలు ఉండగా.. భారత్, ఆస్ట్రేలియా మధ్య మూడో వన్డే బుధవారం జరగనుంది.