కోహ్లి, పాండ్య ‘రివర్స్ స్వింగ్’ స్ట్రాటజీ అదిరింది!

సెంచూరియన్ వేదికగా జరుగుతోన్న రెండో టెస్టు రసవత్తరంగా మారింది. ఐదు వికెట్లు తీసిన సౌతాఫ్రికా ఆధిపత్యం చెలాయించేందుకు ప్రయత్నించగా.. మరో వికెట్ పడకుండా కోహ్లి, పాండ్య జాగ్రత్త పడటంతో భారత్ మ్యాచ్‌లో నిలిచింది. రెండో రోజు 164 పరుగులకే ఐదు వికెట్లు కోల్పోవడంతో కెప్టెన్ విరాట్ కోహ్లి, హార్దిక్ పాండ్య కలిసి ప్లాన్ ప్రకారం ఆడారు. సఫారీ బౌలర్లకు వికెట్ దక్కకుండా జాగ్రత్త వహించారు.

ప్రొటీస్ బౌలర్ల రివర్స్ స్వింగ్‌ను సమర్థవంతంగా ఎదుర్కోవడానికి గతంలో రాహుల్-సచిన్ తరహా వ్యూహాన్ని అనుసరించారు. ఇన్‌స్వింగర్లు, ఔట్‌స్వింగర్లను కలగలిపి విసిరిన మోర్కెల్, లుంగీ ఎన్గిడి పాండ్యను ఔట్ చేయడానికి తీవ్రంగా శ్రమించారు. కానీ క్లోహి వ్యూహంతో వారి ప్రయత్నాలు వృథా అయ్యాయి.

Part 2: VK makes a change in his mysterious strategy for a last second change in seam position pic.twitter.com/pSGSidP218 — anshul kothari (@slimshady_ansh) January 14, 2018
నాన్ స్ట్రయికర్ ఎండ్‌లో ఉన్న కోహ్లి సౌతాఫ్రికా బౌలర్ల రివర్స్ స్వింగ్ డెలివరీలను ముందే గుర్తించి పాండ్యను అప్రమత్తం చేశాడు. బంతి మెరుస్తున్న వైపు బ్యాట్స్‌మెన్‌కు దూరంగా పడితే అది ఔట్ స్వింగర్.. ఆ టైంలో నాన్‌స్ట్రైకర్ ఎండ్‌లో ఉన్న కోహ్లి ఎడమ చేతితో బ్యాట్‌ను పట్టుకునేవాడు. బౌలర్ ఇన్‌‌స్వింగర్ విసురుతాడని గుర్తిస్తే కోహ్లి బ్యాట్‌ను కుడి చేతిలోకి మార్చేవాడు. దీంతో బౌలర్ ఏ బంతిని విసురుతాడనే విషయమై పాండ్యకు ముందే అర్థమైపోయింది. ఇన్నింగ్స్ 60వ ఓవర్లో ఫిలాండర్ బౌలింగ్ శైలి మార్చడం గురించి వీరిద్దరూ మాట్లాడుకోవడం వీడియోలో రికార్డయ్యింది.

Part 1: This is interesting!! Kohli-Pandya devise a mysterious plan to encounter reverse swing via foot gestures pic.twitter.com/eDC2B4NWxV — anshul kothari (@slimshady_ansh) January 14, 2018
గతంలో సచిన్, ద్రావిడ్ కూడా రివర్స్ స్వింగ్‌ను ఎదుర్కోవడానికి ఇదే వ్యూహాన్ని అనుసరించారు. నాన్‌స్ట్రయికర్ ఎండ్‌లో ఉన్న బ్యాట్స్‌మెన్‌కు బౌలర్‌ను జాగ్రత్తగా గమనించే వీలుంది. దీంతో అతడు బంతిని పట్టుకున్న విధానాన్ని బట్టి అది ఇన్‌‌స్వింగర్ లేదా ఔట్‌ స్వింగర్ అనేది సచిన్ పసిగట్టేవాడు. ఇన్‌స్వింగర్ అయితే సచిన్ బ్యాట్‌ను కుడిచేతిలో ఉంచుకునేవాడు, ఔట్ స్వింగర్ అయితే మరో చేతిలోకి బ్యాట్‌ను మార్చేవాడు. ఈ వ్యూహంతో రివర్స్ స్వింగ్‌ను ఎదుర్కొన్నామని సచిన్ తెలిపాడు.