అందరూ బ్యాంకుల్లో డిపాజిట్ చేస్తే, యువీ మాత్రం..

అందరూ బ్యాంకుల్లో డిపాజిట్ చేస్తే యువీ మాత్రం ఎక్కడ డిపాజిట్ చేస్తాడో తెలుసా? స్టాండ్స్‌లో. అర్థం కాలేదా? కన్ఫ్యూజ్ అయ్యారా? యువీ డిపాజిట్ చేసేది డబ్బును కాదు.. బంతిని. తనదైన ట్వీట్లతో నెటిజన్ల హృదయాలను గెలుచుకున్న వీరేంద్ర సెహ్వాగ్ సోమవారం యువరాజ్ పుట్టిన రోజు సందర్భంగా ఆసక్తికరమైన ట్వీట్ చేశాడు. ‘అదర్ పీపుల్ డిపాజిట్ - ఇన్ బ్యాంక్స్, యువరాజ్ సింగ్ డిపాజిట్ - ఇన్ స్టాండ్స్. హ్యపీ బర్త్ డే యువీ అంటూ ట్వీట్ చేశాడు. యువరాజ్ అలవోకగా సిక్సర్లు బాదే విషయాన్ని సెహ్వాగ్ ఇలా చెప్పాడన్న మాట. ప్రతి మైదానంలోనూ నువ్వు సిక్సర్లు బాదాలి అంటూ.. యువీ మళ్లీ భారత్ తరఫున ఆడాలని తాను కోరుకుంటున్నట్లు వీరూ పరోక్షంగా వెల్లడించాడు.

Other people Deposit- In Banks. Yuvraj Singh Deposit- In Stands. Happy Birthday @YUVSTRONG12 .May you keep hitting sixes in every field. pic.twitter.com/bLmBM33CDR — Virender Sehwag (@virendersehwag) December 12, 2016
ఇంగ్లండ్‌పై యువరాజ్ సింగ్ ఒకే ఓవర్లో ఆరు సిక్సర్లు కొట్టిన విషయం ఎప్పటికీ గుర్తుండి పోతుంది కాబట్టి.. యువీని విష్ చేయడానికి వీరూ సిక్సర్లను సబ్జెక్ట్‌గా తీసుకున్నాడు. వీరూ ట్వీట్‌కు యువరాజ్ చాలా వినయంగా బదులిచ్చాడు. థాంక్యూ లెజెండ్ అంటూ ట్వీట్ చేశాడు. యువీ జన్మదినం సందర్భంగా ఎంతో మంది విష్ చేసినప్పటికీ సెహ్వాగ్ ​ కాస్త ఆలస్యంగా విష్ చేసినా.. అదిరిపోయేలా ట్వీట్‌తో శుభాకాంక్షలు తెలిపాడు.