కోహ్లీ.. నువ్వు కూడా ధోనీలానేనా..?: సెహ్వాగ్ ఫైర్

న్యూజిలాండ్‌తో జరుగుతున్న ఐదు టీ20ల సిరీస్‌లో ఇప్పటికే నాలుగు మ్యాచ్‌లు ముగియగా.. యువ వికెట్ కీపర్ రిషబ్ పంత్‌కి టీమ్‌లో ఒక్క ఛాన్స్ కూడా ఇవ్వలేదు. ఓపెనర్ కేఎల్ రాహుల్ వికెట్ కీపర్‌గానూ రాణిస్తుండటంతో.. రిషబ్ పంత్‌ని పూర్తిగా పక్కన పెట్టేసిన టీమిండియా కెప్టెన్ విరాట్ కోహ్లీ.. అతనికి బదులు అదనపు బ్యాట్స్‌మెన్ రూపంలో మనీశ్ పాండేని ఆడిస్తున్నారు. దీంతో.. రిషబ్ పంత్‌పై వేటు వేసే ముందు అతడితో కెప్టెన్ విరాట్ కోహ్లీ కనీసం మాట్లాడుతున్నాడా..? అని సెహ్వాగ్ ప్రశ్నించాడు.

IND vs NZ Test Series: భారత్‌కు ఎదురుదెబ్బ.. గాయంతో హార్దిక్ పాండ్య ఔట్‌
ఆస్ట్రేలియా గడ్డపై 2011-2012లో జరిగిన సీబీ సిరీస్‌కి.. ఫీల్డింగ్‌లో చురుగ్గా లేరంటూ వీరేంద్ర సెహ్వాగ్, సచిన్ టెండూల్కర్, గౌతమ్ గంభీర్‌లపై అప్పటి కెప్టెన్ మహేంద్రసింగ్ ధోనీ వేటు వేశాడు. అప్పట్లో ఈ వేటు గురించి మీడియాతో మాట్లాడుతూ ధోనీ చెప్పిన కారణం.. టీమ్‌లో రొటేషన్ పాలసీ అమలు. కానీ.. ఆ వేటు గురించి టీమ్ మీటింగ్‌లో కనీసం మాట మాత్రమైనా తమతో ధోనీ చెప్పలేదని సెహ్వాగ్ మండిపడ్డాడు.

Read More: టీ20ల్లో భారత్‌కి కలిసొస్తున్న పాండే ‘లక్కీ’ రికార్డ్

‘ఆస్ట్రేలియా గడ్డపై ధోనీ.. అప్పట్లో మీడియాతో మేము స్లోగా ఫీల్డింగ్ చేస్తున్నామని చెప్పాడు. కానీ.. ఆ విషయం గురించి ఒక్కసారి కూడా అతను మాతో మాట్లాడలేదు. చివరికి మీడియా ద్వారానే ఆ విషయం మాకు తెలిసింది. కనీసం టీమ్ మీటింగ్‌లో ఈ స్లో ఫీల్డింగ్ గురించి మాతో చర్చించి ఉంటే..? బాగుండేది. అయితే.. జట్టు సమావేశంలో మాత్రం రోటేషన్ పాలసీ, రోహిత్ శర్మని ఆడించడంపై చర్చ జరిగింది. ఇప్పుడు రిషబ్ పంత్ వేటుపై ఇలాంటి కమ్యూనికేషన్ గ్యాప్ ఉంటే..? అది కచ్చితంగా తప్పే అవుతుంది. కెప్టెన్ విరాట్ కోహ్లీ.. ధోనీ తరహాలో వ్యవహరిస్తున్నాడా..? లేదా అనేది నాకు తెలీదు. కానీ.. రోహిత్ శర్మ కెప్టెన్‌గా వ్యవహరిస్తున్నప్పుడు మాత్రం అతను ఆటగాళ్లతో మాట్లాడినట్లు నాకు తెలిసింది’ అని వెల్లడించాడు.

IND vs NZ 5th T20కి భారత్ జట్టులో మార్పులు..? కోహ్లీకి కోపం తెప్పించిన బౌలర్‌పై వేటు