వైజాగ్ వన్డేలో భారత్ బ్యాటింగ్ ఫస్ట్.. టీమ్‌లో ఒక మార్పు

భారత్‌తో విశాఖపట్నం వేదికగా బుధవారం జరుగుతున్న రెండో వన్డేలో టాస్ గెలిచిన వెస్టిండీస్ కెప్టెన్ కీరన్ పొలార్డ్ ఫీల్డింగ్ ఎంచుకున్నాడు. చెపాక్ వన్డేలో 8 వికెట్ల తేడాతో కరీబియన్ల చేతిలో ఓడిపోయిన టీమిండియా.. ఈ మ్యాచ్‌లో ఒక మార్పుతో బరిలోకి దిగుతోంది. ఆల్‌రౌండర్ శివమ్ దూబేపై వేటు వేసిన కెప్టెన్ విరాట్ కోహ్లీ.. అతని స్థానంలో ఫాస్ట్ బౌలర్ శార్ధూల్ ఠాకూర్‌ని తుది జట్టులోకి తీసుకున్నాడు.


భారత్ జట్టు : రోహిత్ శర్మ, కేఎల్ రాహుల్, విరాట్ కోహ్లీ (కెప్టెన్), శ్రేయాస్ అయ్యర్, రిషబ్ పంత్ (వికెట్ కీపర్), కేదార్ జాదవ్, రవీంద్ర జడేజా, కుల్దీప్ యాదవ్, మహ్మద్ షమీ, దీపక్ చాహర్, శార్ధూల్ ఠాకూర్

తొలి వన్డేలో భారత ఓపెనర్లు కేఎల్ రాహుల్, రోహిత్ శర్మ, కెప్టెన్ విరాట్ కోహ్లీ విఫలమవగా.. మిడిలార్డర్ బ్యాట్స్‌మెన్‌లు శ్రేయాస్ అయ్యర్, రిషబ్ పంత్ హాఫ్ సెంచరీలతో ఫర్వాలేదనిపించారు. ఇక లోయర్ ఆర్డర్‌లో కేదార్ జాదవ్, రవీంద్ర జడేజా మెరిసినా.. ఆశించిన మేర దూకుడుగా ఆడలేకపోయారు. దీంతో ఈ వన్డేలో ఆ తప్పిదాల్ని దిద్దుకోవాలని భారత్ ఆశిస్తోంది.


వైజాగ్ స్టేడియం రికార్డుల పరంగా చూసుకుంటే..? భారత్ జట్టు అక్కడ 9 వన్డేలాడి ఏకంగా ఆరింట్లో విజయాన్ని అందుకుంది. మిగిలిన మూడింట్లో ఒకటి టై అవగా, మరొకటి రద్దయింది. ఇక ఒక మ్యాచ్‌లో మాత్రమే ఓడింది. అది కూడా వెస్టిండీస్ చేతిలోనే కావడం గమనార్హం. ఈ గ్రౌండ్‌లో ఛేదనకు దిగే జట్టే ఎక్కువ విజయాల్ని సాధిస్తోంది. ఎంతలా అంటే..? చివరిగా జరిగిన ఆరు వన్డేల్లో ఏకంగా ఐదు మ్యాచ్‌ల్లో రెండో సారి బ్యాటింగ్ చేసిన జట్టే గెలుపొందింది.


India (Playing XI): Rohit Sharma, Lokesh Rahul, Virat Kohli(c), Shreyas Iyer, Rishabh Pant(w), Kedar Jadhav, Ravindra Jadeja, Deepak Chahar, Mohammed Shami, Shardul Thakur, Kuldeep Yadav

West Indies (Playing XI): Shai Hope(w), Evin Lewis, Shimron Hetmyer, Nicholas Pooran, Roston Chase, Kieron Pollard(c), Jason Holder, Keemo Paul, Alzarri Joseph, Sheldon Cottrell, Khary Pierre