కరోనా వైరస్ బ్రేక్‌ని అలా వాడుకోండి: పొలార్డ్

కరోనా వైరస్ వ్యాప్తి కారణంగా దొరికిన బ్రేక్ సమయాన్ని క్రికెటర్లు మెంటల్, ఫిజికల్ ఫిట్‌నెస్‌ని మెరుగు పర్చుకునేందుకు వినియోగించుకోవాలని వెస్టిండీస్ సీనియర్ క్రికెటర్ కీరన్ పొలార్డ్ సూచించాడు. ప్రపంచవ్యాప్తంగా కరోనా వైరస్ వేగంగా విస్తరిస్తుండటంతో అన్ని క్రికెట్ దేశాలు తాత్కాలికంగా మ్యాచ్‌లని రద్దు చేసిన విషయం తెలిసిందే. దీంతో.. క్రికెటర్లు ఇళ్లకే పరిమితమయ్యారు.

Read More: టీమ్‌లోకి ధోనీ సెలక్షన్‌‌ని నేను ఒప్పుకోను: మాజీ సెలక్టర్ రాజు
ఇటీవల పాకిస్థాన్ సూపర్ లీగ్ నుంచి గాయం కారణంగా కీరన్ పొలార్డ్ మధ్యలోనే స్వదేశానికి వెళ్లిపోయాడు. ఫీల్డింగ్ చేస్తున్న సమయంలో పొలార్డ్ తొడ కండరాలకి గాయమైంది. దీంతో.. విండీస్‌కి వెళ్లిపోయిన ఈ సీనియర్ క్రికెటర్ ప్రస్తుతం ఫిట్‌నెస్ సాధించే పనిలో బిజీగా ఉన్నాడు. ఐపీఎల్ 2020 సీజన్‌లో ముంబయి ఇండియన్స్ తరఫున కీరన్ పొలార్డ్ మ్యాచ్‌లు ఆడాల్సి ఉంది. అయితే.. మార్చి 29 నుంచి ప్రారంభంకావాల్సిన ఐపీఎల్ కరోనా వైరస్ కారణంగా ఏప్రిల్ 15కి వాయిదా పడిన విషయం తెలిసిందే.

Read More: బాలీవుడ్ సింగర్‌‌కి కరోనా పాజిటివ్.. దక్షిణాఫ్రికా క్రికెటర్లలో టెన్షన్ మొదలు
పాకిస్థాన్ నుంచి ఇటీవల వెస్టిండీస్‌కి వెళ్లిన డారెన్ సామీ ప్రస్తుతం సెల్ఫ్ ఐసోలేషన్‌లో ఉన్నాడు. విదేశాల నుంచి వచ్చినవారు కనీసం 14 రోజులు స్వీయ నిర్బంధంలో ఉండాలని అన్ని దేశాల ప్రభుత్వాలు ఆదేశిస్తున్నాయి. దీంతో.. ఇటీవల ఆస్ట్రేలియా పర్యటనని ముగించుకుని స్వదేశానికి వెళ్లిన న్యూజిలాండ్ టీమ్ మొత్తం సెల్ఫ్ ఐసోలేషన్‌లో ఉండగా.. భారత్ నుంచి గత వారం స్వదేశానికి వెళ్లిన దక్షిణాఫ్రికా క్రికెట్ జట్టు కూడా స్వీయ నిర్బంధంలో ఉంది.