IND vs WI: ఈరోజే రెండో వన్డే.. హెడ్ టు హెడ్ రికార్డులతో విండీస్‌లో కంగారు!

వెస్టిండీస్‌ని తొలి టీ20లో అలవోకగా ఓడించేసిన భారత్ జట్టు.. ఈరోజు రాత్రి 8 గంటలకి రెండో టీ20లో తలపడబోతోంది. ట్రినిడాడ్‌లో జులైలో జరిగిన నాలుగు మ్యాచ్‌ల్లో (మూడు వన్డేలు, ఒక టీ20) విండీస్‌ని భారత్ జట్టు ఓడించేసింది. కానీ.. ఈరోజు మ్యాచ్ సెయింట్ కిట్స్ స్టేడియంలో జరగబోతుండటంతో.. భారత్ జైత్రయాత్రకి బ్రేక్ వేయాలని విండీస్ పట్టుదలతో ఉంది. వెస్టిండీస్, భారత్ మధ్య టీ20ల్లో హెడ్ టు హెడ్ రికార్డుల్ని పరిశీలిస్తే? ఇప్పటి వరకూ 21 టీ20ల్లో ఈ రెండు జట్లు తలపడ్డాయి. ఇందులో టీమిండియా 14 మ్యాచ్‌ల్లో విజయం సాధించగా.. వెస్టిండీస్ ఆరు మ్యాచ్‌ల్లో గెలుపొందింది. ఇక మిగిలిన ఒక మ్యాచ్‌లో మాత్రం ఫలితం తేలలేదు. ఇంకా ఆసక్తికరమైన విషయం ఏంటంటే? చివరిగా ఆడిన ఐదు టీ20ల్లోనూ భారత్ జట్టే గెలుపొందింది.

ట్రినిడాడ్ వేదికగా గత శుక్రవారం రాత్రి జరిగిన తొలి టీ20లో టాస్ ఓడి మొదట బ్యాటింగ్ చేసిన టీమిండియా 6 వికెట్ల నష్టానికి 190 పరుగులు చేసింది. అనంతరం లక్ష్యఛేదనలో తడబడిన వెస్టిండీస్ టీమ్ 20 ఓవర్లలో 122/8కే పరిమితమైంది. దాంతో.. 68 పరుగుల తేడాతో గెలిచిన భారత్ జట్టు ఇప్పుడు మంచి జోరుమీదుండగా.. సొంతగడ్డపై వరుసగా మ్యాచ్‌ల్ల్ ఓడిపోతున్న విండీస్ తీవ్ర ఒత్తిడిలో ఉంది.