మీరు ఎందరికో స్ఫూర్తిదాయకం.. బాలయ్యకు యువరాజ్‌సింగ్ బర్త్ డే విషెస్

నటసింహం నందమూరి బాలకృష్ణ పుట్టినరోజు నేడు. ఈ సందర్భంగా పలువురు ప్రముఖులు, అభిమానులు సోషల్ మీడియా ద్వారా శుభాకాంక్షలు తెలియజేస్తున్నారు. అలాగే తెలుగు రాష్ట్రాల్లో సేవా కార్యక్రమాలను కూడా ఏర్పాటు చేశారు. అయితే బాలయ్యకు తెలుగు రాష్ట్రాల ప్రముఖులే కాదు.. టీమిండియా మాజీ క్రికెటర్ యువరాజ్‌సింగ్ కూడా ట్విట్టర్ ద్వారా విషెస్ తెలిపారు.'హృదయపూర్వక జన్మదిన శుభాకాంక్షలు నందమూరి బాలకృష్ణ సర్. అనేక ఇతర కార్యక్రమాలతోపాటు మీ క్యాన్సర్ హాస్పిటల్ & రీసెర్చ్ సెంటర్ ద్వారా సమాజంలో సానుకూల ప్రభావం చూపాలనే మీ అంకితభావం అందరికీ స్ఫూర్తిదాయకం. రాబోయే రోజుల్లో మీకు మంచి జరగాలని ఆకాంక్షిస్తున్నారు.. హ్యాప్ బర్త్ డే ఎన్బీకే' అంటూ యువీ ట్వీట్ చేశారు.
యువరాజ్‌సింగ్ కూడ కేన్సర్ బారినపడి కొంతకాలం క్రికెట్‌కు దూరమయ్యాడు.. మళ్లీ ధైర్యంగా ఆ మహమ్మారిని ఎదుర్కొని కోలుకున్నాడు. అప్పటి నుంచి ఓ ఫౌండేషన్ మొదలు పెట్టి కేన్సర్ బాధితులకు సాయం చేస్తున్నాడు. ఇటు బాలయ్య కూడా బసవతారకం ఇండో అమెరికన్ క్యాన్సర్ ఆస్పత్రి & రీసెర్చ్ సెంటర్ ద్వారా ఎంతోమంది క్యాన్సర్‌బారినపడిన వారికి సాయం అందిస్తున్నారు. యువీ కూడా బసవతారకం ఆస్పత్రికి అవసరమైన సమయంలో తన సేవలు అందిస్తున్నారు. అందుకే బాలయ్యకు యువరాజ్‌సింగ్ విషెస్ చెప్పారు. 'Mass Batsman with Mass Hero.. Both Legends in one frame'అంటూ బాలయ్య అభిమానులు మురిసిపోతున్నారు.

• Read Latest Andhra Pradesh News and Telugu News