భార్యతో కలసి డాన్స్ చేయనున్న యువరాజ్!

క్రికెటర్ యువరాజ్ సింగ్, తన సతీమణి.. హీరోయిన్ హేజిల్ కీచ్‌తో కలిసి ఓ టీవీ షోలో ఆడిపాడనున్నాడు. సెలబ్రిటీ రియాల్టీ షో ‘నాచ్ బలియే’ ఇందుకు వేదిక కానుంది. ముంబైలో ఇప్పుడు ఈ వార్త విస్తృతంగా ప్రచారంలో ఉంది. యువరాజ్.. రానున్న రెండు నెలల పాటు ఐపీఎల్‌తో బిజీగా ఉండనున్నాడు. ఆ తర్వాతే ఈ ఎపిసోడ్‌ను షూట్ చేయడానికి ప్లాన్ చేస్తున్నట్లు సమాచారం. యువరాజ్, హేజిల్ కీచ్ తమకు తప్పకుండా సహకరిస్తారని.. సదరు చానల్ పూర్తి విశ్వాసంతో ఉందట. ఇప్పటికే వారితో చర్చించినట్లు తెలుస్తోంది.

సెలబ్రిటీలతో డాన్స్ షోలు ప్లాన్ చేసిన ఈ ప్రత్యేక కార్యక్రమం ఏప్రిల్ నుంచి ప్రసారం కానుంది. ఈ సీజన్లో.. దివ్యాంకా త్రిపాఠి, వివేక్ దహియా; సనయా ఇరానీ, మోహిత్ సెగల్; బర్తీ సింగ్, అర్ష్ లింబాచియా; మోనాలిసా, విక్రాంత్ సింగ్ రాజ్‌పూత్ తదితర సెలబ్రిటీలతో ఈ షో ప్లాన్ చేశారు. దీనికి మంచి ఆదరణ లభిస్తుందనే గట్టి విశ్వాసంతో నిర్వాహకులు ఉన్నారు. యువీ ఏ మేరకు కిక్కివ్వగలడో తెలుసుకోవాలంటే వేచి చూడాల్సిందే.