యాప్నగరం

సఫారీలకి చాహల్‌తో కష్టాలు తప్పవేమో..?

భారత మణికట్టు స్పిన్నర్ చాహల్‌తో రెండో టీ20లో దక్షిణాఫ్రికా బ్యాట్స్‌మెన్‌కి కష్టాలు తప్పవని దిగ్గజ క్రికెటర్ సునీల్ గవాస్కర్

TNN 21 Feb 2018, 11:15 am
భారత మణికట్టు స్పిన్నర్ చాహల్‌తో రెండో టీ20లో దక్షిణాఫ్రికా బ్యాట్స్‌మెన్‌కి కష్టాలు తప్పవని దిగ్గజ క్రికెటర్ సునీల్ గవాస్కర్ అభిప్రాయపడ్డారు. సెంచూరియన్ వేదికగా బుధవారం రాత్రి 9.30 నుంచి రెండో టీ20 మ్యాచ్ జరగనుంది. ఈ నేపథ్యంలో మీడియాతో మాట్లాడిన గవాస్కర్.. సిరీస్‌లో చాహల్ బౌలింగ్ తీరుని ప్రశంసించాడు. సెంచూరియన్ పిచ్ స్పిన్నర్లకి ఎక్కువగా అనుకూలిస్తుందని.. మ్యాచ్‌లో కుల్దీప్ కంటే చాహల్‌తోనే సఫారీలకి ప్రమాదం పొంచి ఉందని హెచ్చరించాడు. గత ఆదివారం ముగిసిన తొలి టీ20లో భారత్ 28 పరుగుల తేడాతో గెలుపొందిన విషయం తెలిసిందే.
Samayam Telugu yuzvendra chahal will be the key bowler at centurion gavaskar
సఫారీలకి చాహల్‌తో కష్టాలు తప్పవేమో..?


‘సెంచూరియన్ వేదికగా గత వారం చివరి వన్డే జరిగింది. కానీ.. ఆ రోజుతో పోలిస్తే బుధవారం పిచ్‌ ఎక్కువగా స్పిన్నర్లకి అనుకూలించే అవకాశం ఉంది. కాబట్టి.. మిడిల్ ఓవర్లలో చాహల్ బంతితో చెలరేగే అవకాశం ఉంది. అతను బ్యాట్స్‌మెన్‌కి అత్యంత సమీపంలో బంతులు విసురుతూ కట్టడి చేస్తున్న తీరు అమోఘం. మరోవైపు దక్షిణాఫ్రికా కొత్త బౌలర్లు.. భారత ఓపెనర్లని ఏమాత్రం ఇబ్బంది పెట్టలేకపోయారు. రోహిత్ శర్మ, శిఖర్ ధావన్ దూకుడు ముందు వారు తొలి టీ20లో నిలవలేకపోయారు. ఫీల్డింగ్‌లోనూ కొంచెం తడబాటు కనిపించింది. రెండో టీ20 తప్పిదాలు దిద్దుకుంటేనే టీమిండియాకి పోటీనివ్వగలరు’ అని గవాస్కర్ వివరించాడు.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.