ప్రియురాలితో ఆ క్రికెటర్ నిశ్చితార్థం

ఢిల్లీ డేర్ డెవిల్స్ జట్టు కెప్టెన్ జహీర్ ఖాన్ కు సగం పెళ్లి అయిపోయింది. అవునండి... నిశ్చితార్థం జరిగితే సగం పెళ్లయిపోయినట్టే అంటారుగా... జహీర్ ఖాన్ సోమవారమే నిశ్చితార్థం అయిపోయింది. తన ప్రియురాలు, బాలీవుడ్ నటి సాగరిక గట్కేతో సోమవారం వైభవంగా నిశ్చితార్థం చేసుకున్నారు. క్రికటర్లు బాలీవుడ్ నటీమణుల ప్రేమాయణం మన దేశంలో సర్వసాధారణం అయిపోయింది. జహీర్-సాగిరకలకు ఎక్కడ, ఎలా పరిచయం అయ్యిందో తెలియదు కానీ గత ఏడాదిగా వీరు డేటింగ్ లోఉన్నట్టు తెలుస్తోంది.

గతేడాది యువరాజ్ సింగ్- హేజల్ కీచ్ వివాహానికి కూడా వీరిద్దరూ కలిసి జంటగా వచ్చారు. అనంతరం సాగరిక నటించిన ఇరాదా సినిమా ప్రమోషన్ కు కూడా సాగరికతో కలిసి జహీర్ ఖాన్ వచ్చారు. అప్పుడు కూడా వారి మధ్య ఉన్న ప్రేమని జహీర్ చెప్పలేదు. ఇక సాగరిక మీడియాతో మాట్లాడుతూ తన వ్యక్తిగత జీవితం గురించి మీడియాతో పంచుకోనని చెప్పేసింది. చివరికి సోమవారం నిశ్చితార్థం చేసుకుని ఈ ప్రేమ జంట తాము ఒక్కటౌతున్నట్టు ప్రపంచానికి చెప్పింది. సాగరిక ‘చక్ దే ఇండియా’లో హాకీ స్టార్ గా నటించింది.
Never laugh at your wife's choices. You are one of them !!! Partners for life. #engaged @sagarikavghatge pic.twitter.com/rUOtObFhiX — zaheer khan (@ImZaheer) April 24, 2017