వరల్డ్ కప్ అతిథులతో సెక్స్ వద్దు!

సాకర్ ప్రపంచకప్ నేపథ్యంలో తమ దేశానికి వచ్చిన అతిథులతో స్థానిక యువతులు లైంగిక సంబంధాలు పెట్టుకోవద్దని సూచించారు రష్యన్ ఎంపీ తమారా ఫ్లెత్నెవా. రష్యాన్ పార్లమెంటరీ కమిటీలో సభ్యురాలు అయిన 70 యేళ్ల తమారా.. తమ దేశ యవతులకు కొన్ని సూచనలు ఇచ్చింది. ప్రపంచకప్ వినోదంలో భాగంగా చాలా మంది యువతులు విదేశీ అతిథులకు దగ్గరయ్యే అవకాశం ఉందని ఆమె ఆందోళన వ్యక్తం చేశారు. ఇలా విదేశీయులతో రష్యన్ యువతులు లైంగిక సంబంధాలు పెట్టుకోవద్దని ఆమె సూచించారు. ఇలాంటి సంబంధాల వల్ల పిల్లలు పెడితే అప్పుడు వాళ్ల పరిస్థితి ఏమిటి? అని ఈ ఎంపీ ప్రశ్నించారు.

ఇలా తాత్కాలిక ఆనందంలో లైంగిక సంబంధాలు పెట్టుకుంటే, పుట్టే పిల్లలు అనాథలు అయ్యే అవకాశం ఉందని లేదా తల్లి లేదా తండ్రి ఒకరే వారికి మిగిలే అవకాశం ఉందని ఆమె అన్నారు.

అతిథులు వస్తారు.. వెళ్తారు.. ప్రపంచకప్ ముగిసిన తర్వాత వారిని కలవడం కూడా స్థానిక యువతులకు సాధ్యం అయ్యే పని కాదని, ఒకవేళ పిల్లలు పుడితే.. రష్యన్ యువతులే వారిని పెంచుకోవాల్సి రావొచ్చు లేదా, ఆ పిల్లలను అతిథులు తమ దేశానికి తీసుకెళ్లిపోవచ్చు. దాని వల్ల ఆ పిల్లలకు తల్లి లేదా తండ్రి ఎవరో ఒకరే ఉంటారు. ఇలాంటి పరిస్థితి రానివ్వొద్దు..అతిథులతో లైంగిక సంబంధాలు పెట్టుకోవద్దు అని ఈ ఎంపీ తమ దేశం అమ్మాయిలకు స్పష్టం చేశారు.

అమ్మాయిల విషయంలో ఇలాంటి షరతులు పెట్టిన ఈ రష్యన్ ఎంపీ తమ దేశ యువకులకు మాత్రం ఇలాంటి సూచనలు ఏవీ చేయకపోవడం గమనార్హం.