టోక్యో ఒలింపిక్స్‌లో భారత డిస్కస్ త్రోయర్ కమల్‌ప్రీత్ కౌర్ ఫైనల్లో అడుగుపెట్టింది. శనివారం క్వాలిఫికేషన్-బిలో పోటీపడిన కమల్‌ప్రీత్ కౌర్.. డిస్క్‌ని 64మీ విసరడం ద్వారా ఫైనల్ బెర్తుని ఖాయం చేసుకుంది. అమెరికాకి చెందిన అల్మాన్ మాత్రమే కౌర్ కంటే ఎక్కువ దూరం (66.42మీ) డిస్క్‌ని విసిరింది. రియో ఒలింపిక్స్ గోల్డ్ మెడలిస్ట్ సండ్ర (63.75మీ), వరల్డ్ ఛాంపియన్ యామీ (63.18) కంటే కౌర్ ఎక్కువ దూరం డిస్క్‌ని విసరడం గమనార్హం. భారత్‌కి చెందిన మరో డిస్కస్ త్రోయర్ సీమా పునియా 60.57మీ దూరం మాత్రమే డిస్క్ విసిరి 16వ స్థానంతో సరిపెట్టుకోవడం ద్వారా టోర్నీ నుంచి నిష్క్రమించింది.
వాస్తవానికి కమల్‌ప్రీత్ కౌర్ బెస్ట్ 65మీ. ఈ ఏడాదిలోనే రెండు సార్లు ఆ మార్క్‌ని కౌర్ అందుకుంది. మరీ ముఖ్యంగా.. మార్చిలో జరిగిన ఫెడరేషన్‌ కప్‌లో 65.06మీ డిస్క్‌ని విసిరిన కమల్‌ప్రీత్ కౌర్.. నేషనల్ రికార్డ్‌ని బ్రేక్ చేసింది. అంతేకాకుండా 65మీ మార్క్‌ని అందుకున్న తొలి భారత డిస్కస్ త్రోయర్‌గానూ కౌర్ అరుదైన ఘనత సాధించింది.
వాస్తవానికి కమల్‌ప్రీత్ కౌర్ బెస్ట్ 65మీ. ఈ ఏడాదిలోనే రెండు సార్లు ఆ మార్క్‌ని కౌర్ అందుకుంది. మరీ ముఖ్యంగా.. మార్చిలో జరిగిన ఫెడరేషన్‌ కప్‌లో 65.06మీ డిస్క్‌ని విసిరిన కమల్‌ప్రీత్ కౌర్.. నేషనల్ రికార్డ్‌ని బ్రేక్ చేసింది. అంతేకాకుండా 65మీ మార్క్‌ని అందుకున్న తొలి భారత డిస్కస్ త్రోయర్‌గానూ కౌర్ అరుదైన ఘనత సాధించింది.