రియో ఒలింపిక్స్‌లో స్వల్ప ప్రమాదం

రియో ఒలింపిక్స్ లో స్పల్ప ప్రమాదం జరిగింది. ఒలింపిక్ విలేజ్ లో ఓ చోటో భారీ కెమెరాను ఏర్పాటు చేశారు. ఒలింపిక్ పార్క్ మొత్తాన్ని ఇది కవర్ చేస్తుంది. స్పైడర్ కెమెరాగా దీనిని వ్యవహరిస్తారు. అయితే దాని బరువును తక్కువగా అంచనా వేసి కేబుల్స్ లతో అమర్చారు. కాగా సోమవారం అది ఒక్కసారిగా ఊడి కిందపడింది. కింద నిల్చున్న ఏడుగురికి గాయాలయ్యాయి. వారిని వెంటనే ఆసుపత్రికి తరలించారు పోలీసులు. సరిగ్గా బాస్కెట్ బాల్ కోర్టు బయట ఈ ఘటన జరిగింది. గాయపడిన వారిలో ఇద్దరు చిన్నారులు కూడా ఉన్నట్టు తెలుస్తోంది. ఎవరికీ ప్రాణాపాయం లేదు. స్వల్పగాయాలై అవ్వడంతో నిర్వాహకులు ఊపిరి పీల్చుకున్నారు. అయితే ఈ ఘటన మాత్రం వారిని కాస్త ఇబ్బందిపెట్టేదిగా మారింది. అసలే అమెరికా సూపర్ స్విమ్మర్ రియన్ లోచెట్, అతని టీమ్ లోని ముగ్గురిని రియోలో దోపిడీ దొంగలు దోచుకున్నారు. ఈ ​ సంఘటనతో ఇబ్బంది పడిన ఒలింపిక్స్ నిర్వాహకులకు కెమెరా పడిన ఘటన కాస్త మనస్తాపానికి గురిచేసింది.