సింధుకు సీఆర్‌పీఎఫ్ కమాండెంట్ హోదా

ఒలింపిక్స్ రతజ పతకం విజేత పీవీ సింధుకు మరో అరుదైన గౌరవం దక్కనుంది. ఆమెకు సీఆర్‌పీఎఫ్ కమాండెంట్ హోదా ఇచ్చేందుకు అన్ని రకాల అనుమతులు ఇవ్వాల్సిందిగా ఆ శాఖకు కేంద్ర హోంమంత్రి రాజ్ నాథ్ సింగ్ ప్రతిపాదినలు పంపారు. సీఆర్‌పీఎఫ్ వేడుకల్లోపు దీనికి సంబంధించిన ఏర్పాట్లను సిద్ధం చేయాలని హోంమత్రి ఆదేశాలు ఇచ్చారని అధికారిక వర్గాల నుంచి సమాచారం అందింది. కమాండెంట్ హోదా ఇచ్చే విషయంలో ఇప్పటికే సింధు నుంచి అనుమతి తీసుకున్నట్లు తెలిసింది. సీఆర్‌పీఎఫ్ కమాండెంట్ హోదా అంటే జిల్లా ఎస్పీ స్థాయితో సమానం.

ఇప్పటికే తెలుగు రాష్ట్రాలతో పాటు దేశంలోని పలు రాష్ట్రాలు, కార్పోరేట్ సంస్థలు ఆమెకు అనేక రకమైన నజరానాలు ప్రకటించిన విషయం తెలిసిందే. ఏపీ సీఎం చంద్రబాబు ఆమెకు గ్రూప్ -1 ఉద్యోగం ప్రకటించి ఆమెకు గౌరమిచ్చారు. సింధుకు తాజాగా ఇచ్చిన హోదాతో తెలుగువారితో పాటు దేశ ప్రజలందరూ హర్షం వ్యక్తం చేస్తున్నారు.