రియో: రెజ్లింగ్ పోరులో పోగట్ గాయపడింది

రియో ఒలింపిక్స్‌ లో భారత మహిళా రెజ్లర్ వినేష్ పోగట్‌ కు తీవ్ర గాయాలయ్యాయి. చైనాకు చెందిన సన్ యనన్‌ తో రెజ్లింగ్ 48 కేజీల ఫ్రీ స్టైల్‌ విభాగం క్వార్టర్స్ ఫైనల్ మ్యాచ్ లో ఆమె తలపడింది. ప్ర్యతర్థిపై తన శక్తి మేరకు పోరాడింది. ఈ క్రమంలో పోగట్ కు కుడి మోకాలి కింద ప్రాంతంలో గాయమైంది. నొప్పితో విలవిల్లాడిపోయింది. చివరకు బాధను ఎంత దిగమింగుకుని ఆడదామన్నా తన వల్ల కాలేదు. ఒక్కసారిగా కుప్ప కూలిపోయింది. దీంతో ఆమెకు ప్రాథమిక చికిత్స చేసి అనంతరం స్ట్రెచర్ పై తీసుకెళ్లారు. ఈ పోటీలో వినేష్ పోగట్ ఓడినా అందరి గుండెల్లో స్థానం దక్కించుకుంది. మ్యాచ్ లో చైనా క్రీడాకారిణి సన్ యవన్ వినేష్ పోగట్‌ పై గెలుపొంది సెమీఫైనల్‌ కు చేరుకుంది. అంతకు ముందు జరిగిన ప్రీ క్వార్టర్స్ లో రొమేనియాకు చెందిన ఎమిలియా అలినాపై 11-0తో ఫొగట్ విజయం సాధించింది.
#VineshPhogat injures! @phogat_vinesh you fought with courage and gave your best .We are proud of u. #Champion #SAI #wrestling @IndiaSports— SAIMedia (@Media_SAI) August 17, 2016