పీవీ సింధుకు సైకతశిల్పి కంగ్రాట్స్

రియో ఒలింపిక్స్ రజతపతక విజేత, భారత బ్యాడ్మింటన్ స్టార్ పీవీ సింధుకి తనదైన శైలిలో విషెస్ చెప్పాడు ఒడిషా సైకతశిల్పి సురద్శన్ పట్నాయక్. కంగ్రాట్స్ పీవీ సింధు అంటూ ఒడిశాలోని పూరీ సముద్ర తీరంలో సైకత శిల్పాన్ని నిర్మించాడు. అలాగే థాంక్స్ గురు గోపిచంద్ అంటూ మరో సైకత శిల్పాన్ని పట్నాయక్ రూపొందించాడు. రియో ఒలింపిక్స్ లో స్పెయిన్ క్రీడాకారిణి కరోలినా మారిన్ తో ఫైనల్ మ్యాచ్ తన శక్తిమేరకు పోరాడినా పీవీ సింధుకు దేశనలుమూలల నుంచి అభినందనలు వెల్లువెత్తుతూనే ఉన్నాయి. ఒక్కొక్కరు ఒక్కోలా సింధును అభినందించే ప్రయత్నం చేస్తున్నారు. 120 కోట్ల మంది భారతీయల ఆశను తీర్చావంటూ ఆమె కోసం పూజలు ప్రత్యేక ప్రార్థనలు చేస్తున్నారు.