ఫిఫా ప్రపంచకప్.. టికెట్ల కోసం బారులు

ఫిఫా అండర్-17 ప్రపంచకప్ సెమీ ఫైనల్ మ్యాచ్‌ టికెట్ల కోసం కోల్‌కతాలో అభిమానులు బారులు తీరారు. షెడ్యూల్ ప్రకారం గువాహటిలో ఈ మ్యాచ్ బుధవారం జరగాల్సి ఉంది. కానీ.. గత కొద్దిరోజులుగా అక్కడ వర్షాలు కురుస్తుండటంతో మ్యాచ్ జరగాల్సిన ఇందిరాగాంధీ మైదానం చిత్తడిగా మారింది. దీంతో టోర్నీ నిర్వాహకులు మ్యాచ్‌ని కోల్‌కతాలోని సాల్ట్‌ లేక్ స్టేడియానికి మార్చారు.

టోర్నీలో సంచలన విజయాలతో దూసుకెళ్తున్న బ్రెజిల్‌ జట్టుతో సెమీస్‌లో ఇంగ్లాండ్ ఢీకొంటుండటంతో అభిమానులు పెద్ద సంఖ్యలో ఆసక్తి కనబరుస్తున్నారు. కోల్‌కతా నగరంలో ఏర్పాటు చేసిన కౌంటర్లలో ఎండ వేడిమిని సైతం లెక్క చేయకుండా బారులు తీరి టికెట్లని కొనుగోలు చేస్తున్నారు.