ఇంటర్నేషనల్ హాకీ ఫెడరేషన్ అధ్యక్షుడిగా బత్రా
ఐసీసీ బాసులుగా భారతీయులు హవా కొనసాగిస్తుండగా, అంతర్జాతీయ హాకీ సమాఖ్య అధ్యక్షుడిగా తొలిసారిగా ఎన్నికైన ఇండియన్గా బత్రా రికార్డు నెలకొల్పారు.
TNN 12 Nov 2016, 5:42 pm
ఇంటర్నేషనల్ హాకీ ఫెడరేషన్ అధ్యక్షుడిగా హాకీ ఇండియా అధ్యక్షుడు నరీందర్ బత్రా ఎన్నికయ్యారు. శనివారం దుబాయ్లో జరిగిన అధ్యక్ష ఎన్నికలో ఆయన ఐర్లాండ్కు చెందిన డేవిడ్ బాల్బిరిన్, ఆస్ట్రేలియాకు చెందిన కెన్ రీడ్లను వెనక్కి నెట్టారు. దీంతో ఈ పదవికి ఎంపికైన తొలి ఆసియా వ్యక్తిగా ఆయన ఘనత సాధించారు. మొత్తం 118 ఓట్లలో బత్రాకు 68 ఓట్లు రాగా, రెండోస్థానంలో నిలిచిన బాల్బిరిన్ 29 ఓట్లు దక్కాయి. 59 ఏళ్ల బత్రా 2014 అక్టోబర్లో హాకీ ఇండియా అధ్యక్షుడిగా ఎన్నికయ్యారు. కొద్ది వారాలుగా ప్రపంచ దేశాలను చుట్టివచ్చిన బత్రా సభ్యదేశాలను తనకు అనుకూలంగా మలుచుకున్నారు.
ఇంటర్నేషనల్ హాకీ ఫెడరేషన్లో ఇప్పటి వరకూ యూరోపియన్లదే హవా. వారి దశాబ్దాల ఏకఛత్రాధిపత్యానికి నరీందర్ గండి కొట్టారు. 2008 నుంచి అధ్యక్ష పదవిలో కొనసాగుతున్న స్పానియార్డ్ లియాండ్రో నెగ్రే స్థానంలో బత్రా బాధ్యతలు చేపట్టనున్నారు. క్రికెట్లో ఐసీసీ బాస్గా గత కొంత కాలంగా భారతీయులే నియమితులవుతుండగా, ఇప్పుడు హాకీలోనూ మన శకం మొదలైంది. ఇతర క్రీడల సమాఖ్య అధ్యక్షులుగానూ భారతీయులు పని చేస్తున్నారు. ప్రపంచ కబడ్డీ సమాఖ్య అధ్యక్షుడిగా జనార్ధన్ సింగ్ గెల్హాట్, వరల్డ్ స్క్వాష్ బాడీ చీఫ్గా ఎన్.రామచంద్రన్ కొనసాగుతున్నారు.
ఇంటర్నేషనల్ హాకీ ఫెడరేషన్లో ఇప్పటి వరకూ యూరోపియన్లదే హవా. వారి దశాబ్దాల ఏకఛత్రాధిపత్యానికి నరీందర్ గండి కొట్టారు. 2008 నుంచి అధ్యక్ష పదవిలో కొనసాగుతున్న స్పానియార్డ్ లియాండ్రో నెగ్రే స్థానంలో బత్రా బాధ్యతలు చేపట్టనున్నారు. క్రికెట్లో ఐసీసీ బాస్గా గత కొంత కాలంగా భారతీయులే నియమితులవుతుండగా, ఇప్పుడు హాకీలోనూ మన శకం మొదలైంది. ఇతర క్రీడల సమాఖ్య అధ్యక్షులుగానూ భారతీయులు పని చేస్తున్నారు. ప్రపంచ కబడ్డీ సమాఖ్య అధ్యక్షుడిగా జనార్ధన్ సింగ్ గెల్హాట్, వరల్డ్ స్క్వాష్ బాడీ చీఫ్గా ఎన్.రామచంద్రన్ కొనసాగుతున్నారు.