Tokyo olympicsకు నీరజ్ చోప్రా అర్హత

ఈ ఏడాది జపాన్ రాజధాని టోక్యోలో జరిగే ప్రతిష్టాత్మక ఒలింపిక్స్‌కు భారత జావెలిన్ ఆటగాడు నీరజ్ చోప్రా అర్హత సాధించాడు. సౌతాఫ్రికాలో జరుగుతున్న ద అథ్లెటిక్ సెంట్రల్ నార్త్ ఈస్ట్ మీటింగ్‌ టోర్నీలో అత్యుత్తమ ఆటతీరు కనబర్చిన నీరజ్.. ఒలింపిక్ బెర్త్‌ను కైవసం చేసుకున్నాడు. మోచేతి గాయం నుంచి రెండేళ్లుగా ఆటకు దూరమైన నీరజ్.. పునరాగమం చేసిన ఆరంభంలోనే మెగాటోర్నీకి అర్హత సాధించడం విశేషం.
Read Also : Hamilton T20: భారత్ బ్యాటింగ్.. కివీస్‌లో ఒక మార్పు

ఈ టోర్నీలో జావెలిన్‌ను 87.86 మీటర్ల దూరం విసిరిన నీరజ్.. ఒలింపిక్ ప్రమాణాలకు అనుగుణంగా ఆటతీరు కనబర్చాడు. మరోవైపు ఈ టోర్నీకి ఒలింపిక్ సంఘం గుర్తింపు ఉంది అని భారత అథ్లెటిక్ సమాఖ్య (ఏఎఫ్ఐ) స్పష్టం చేసింది.

Read Also : ICC U-19 World Cup: భారత్ వరల్డ్ రికార్డు
మరోవైపు నీరజ్ చోప్రా రెండేళ్ల కిందట జరిగిన ఆసియా క్రీడల్లో ఆడాడు. ఇండోనేసియా రాజధాని జకార్తలో జరిగిన ఈ టోర్నీలో జావెలిన్‌ను 88.06 మీటర్ల దూరం విసిర గోల్డ్ మెడల్ కైవసం చేసుకున్నాడు. అప్పట్లో అది జాతీయ రికార్డు కూడా కావడం విశేషం. ఆ తర్వాత గాయం కారణంగా ఆటకు దూరంగా ఉన్నాడు. పునరాగమనంలో ఒలింపిక్ బెర్త్ సాధించడంపై నీరజ్ ఆనందం వ్యక్తం చేశాడు. ఒలింపిక్ క్రీడలు ఈ ఏడాది జూలై 24 నుంచి ఆగస్టు 9 వరకు జరుగుతాయి.

Read Also : Chahal Troll: కోహ్లీ, రాహుల్.. నా షాట్‌నే కాపీ కొడతారా? యువకుల్లారా కానివ్వండి!